Врховниот суд на Хрватска ја укина пресудата за екстрадиција на Исмаил Морина на Србија, но тој останува во притвор

Врховниот суд на Хрватска ја укина пресудата за екстрадиција на Исмаил Морина на Србија, но тој останува во притвор

Врховниот суд на Хрватска ја укина првостепената одлука на судот во Дубровник со која беше одобрено екстрадирање во Србија на албанскиот државјанин Исмаил Морина, кој на натпреварот на репрезентациите на Србија и Албанија во Белград летал дрон со знамето на „Голема Албанија“, и нареди повторно одлучување по предметот.

Според оваа одлука на судот, Морина останува во притвор, до новата одлука за молбата на Србија за негово екстрадирање.

Во соопштението на Врховниот суд на Хрватска се прецизира дека оваа одлука е донесена на вчерашната седница, одржана по повод жалбата на адвокатот на Морина, но дека одлуката е укината по службена должност заради битни повреди на одредбите од хрватскиот Закон за кривична постапка.

Врховниот суд на Хрватска смета дека не е јасно за кое дело било одобрено екстрадирањето во Србија, односно дека заради оваа неразбирливост не може да се испита исполнетоста на низа услови за екстрадиција.

Општинскиот суд во Дубровник, каде Морина се наоѓа во притвор од апсењето по потерницата од Србија, му е наложено од страна на Врховниот суд да ги отстрани сите процесни недостатоци и да донесе нова одлука.

Жалбата на адвокатот на Морина не била разгледана, бидејќи одлуката била укината по службена должност.

Србија го бара предавањето на Морина заради кривично дело предизвикување верска, расна и национална омраза.

Против него е во тек истрага и во Вишото обвинителство во Белград.

Поврзани вести

Хак: Иднината на Кипар зависи од преговорите... Иднината на Кипар зависи од преговорите и решенијата на двете страни, изјави заменик официјалниот претставник на Обединети нации, Фархан Хак. Тој и...
Двајца терористи се разнесоа во Турција... Двајца терористи од екстремистичката и забранетата организација „Маоистичка комунистичка партија“ се разнесоа во турскиот округ Тунџели, одбивајќи да ...
Нови четири случаи на западнонилска треска во Грци... Четири нови случаи на западнонилска треска беа регистрирани оваа недела во Грција, јавија грчки медуми, додавајќи дека се потврдени прогнозите на експ...
Тачи: Мораме да бидеме подготвени на дополнителни ... Косовскиот претседател Хашим Тачи верува дека лидерите на Косово и во Србија се посветени на конечниот мир меѓу Србите и Албанците, а за тоа да се слу...
Во Турција приведени дваесет лица осомничени за по... Дваесет лица, меѓу кои и жени, се приведени денеска во операција во Конја и уште шест окрузи на Турција против лица, осомничени за врски со организаци...
Грчката Влада одобри 180.000 евра помош за Китира... Грчката Влада соопшти дека доделува 180.000 евра итна помош за островот Китира, кој месецов беше зафатен со разурнувачки шумски пожар. Помошта ја о...