„Детски свет“ – проект за креативноста на најмладите на „Охридско лето“

„Детски свет“ – проект за креативноста на најмладите на „Охридско лето“

По повод 12 август – Меѓународниот ден на младите, „Охридско лето“ на фестивалската публика ќе и понуди содржини осмислени и креирани токму од најмладите, како активност насочена за приближување на културата и вистинските уметнички вредности до најмладата публика.

– Преку јавна презентација, со изложби, театарски претстави, музички настапи на фестивалската сцена Долни Сарај ќе се презентира значењето на најголемата музичко-сценска манифестација во земјата, но истовремено ќе се поддржат промотивните активности на младите кои преку креативни идеи ќе го развијат интересот за следење на културните настани, изјави Сузана Вренцовска, в.д. директор на „Охридско лето“.

На прес-конференцијата по повод презентација на проектната содржина „Детски свет“ најавена за утре, Вренцовска забележа дека се работи за активност што ќе биде од долгорочен бенефит за Фестивалот, но и за Охрид и државата.

– Отворајќи ја сцената на „Охридско лето“ за најмладите, ќе ја всадиме уметноста во длабочината на детската душа, како и почитта кон високите уметнички стандарди, рече Вренцовска.

Проектот го организиираат Центарот „Креативен развој“ и „Арт вивенди“ со поддршка на Министерството за култура. Координаторот Дејан Лилиќ истакна дека проектната идеја за активноста „Детски свет“ произлегла од мноштво идеи, иницирани и осмислени токму од младите.

– Ова е првпат на „Охридско лето“ младите да презентираат нешто што излегува директно од нив. „Детски свет“ е огромен проект, со многу сегменти, а целосната слика цели кон презентација на бендови, млади солисти, уметници пред пошироката фестивалска публика, рече Лилиќ најавувајќи вклучување на младите од регионот во проширениот проект на „Детски свет“.

За презентацијата на уметничкиот израз на најмладите на „Охридско лето“ е резервирана сцената на Долни Сарај со почеток од 12 часот.

Поврзани вести

АУДИО: Џорлев како директор на „Танец“ се лути про... На ЈуТјуб се појави аудио снимка од доскорешниот директор на Ансамблот „Танец“ од која што може да се слушне како Зоран Џорлев на состанок со вработен...
Ретроспективна изложба на копаничарот Раде Костовс... Во уметничката галерија на Локална установа Градски музеј - Крива Паланка, вечерва ќе биде отворена ретроспективната изложба на дводецениското творешт...
Седмо издание на Фестивалот за народна култура „По... Десетина културно-уметнички друштва и ансамбли на народни песни и игри учествуваат на Фестивалот на народна култура „Пображење“, што во организација н...
Шпанскиот мајстор на гитара Игнасио Родес вечер на... Вљубениците во звукот на класичната гитара вечер во рамки на Фестивалот „Охридско лето“ ќе имаат несекојдневна можност да уживаат во уметничкиот израз...
Повик за учество на ликовни уметници на групна изл... До први септември е отворен повикот на Здружението за култура „Транзен“ за учество на ликовни уметници на групната изложба „Несовршен простор“ на која...
Од 19 до 25 август осмиот „МакеДокс“... Осмото издание на Фестивалот на креативен документарен филм „МакеДокс“ ќе се одржи од 19 до 25 август 2017 година во, и на платото пред, Куршумли-ан в...