„Букви за уживање“ – инсталација на македонски автори на фестивалот „Сигет“

„Букви за уживање“ – инсталација на македонски автори на фестивалот „Сигет“

Архитектката Марија Христовска-Стевковска и ликовниот уметник Ѓорѓе Јовановиќ со архитектонско-скулптурална инсталација „Pleasure letters“ (Букви за уживање) учествуваат на 25-тиот музички фестивал „Сигет“ во Будимпешта, кој се одржува од 9-ти до 16 август.

Инсталацијата е дел од програмата на фестивалот „Art of Freedom“ која им овозможува на младите креативци да ги презентираат своите идеи и таленти.

– Инсталацијата функционира и како уметничко дело, и како дел од забавните содржини на фестивалот. Таа претставува собиралиште на посетителите и вклучува различни содржини. Иницијалната идеја произлегува од користењето/играњето со буквите од името на фестивалот. Секоја буква е пресоздадена во објект/простор за различни активности: одмор, дружење, интерактивно фотографирање, игра итн. Изработени се шест објекти со вкупна должина од 25 метри. Изработени се од различни материјали: метал, дрво, пластика, дигитални отпечатоци со цел да одговараат на различни намени, изјави Јовановиќ.

Проектот на Христовска-Стевковска и Јовановиќ во февруари беше избран на конкурсот на фестивалот „Сигет“. Авторите неколку месеци ги изработуваа буквите-објекти во Скопје и Охрид, со поддршка на „Урбана оаза“ – фирма специјализирана за изработки од метал, „Форма“ – фирма за изработка на мебел, и на ПроМедиа – студио за печатење и графички услуги.

Музичкиот фестивал „Сигет“ минатата година имал околу половина милион посетители, а годинава главни ѕвезди на музичката програма се PJ Harvey, Rudimental, The Klips… Изминатите години и македонски музичари учествувале на фестивалот, а ова е првпат македонски визуелни автори да добијат можност да се претстават во рамки на ликовната програма.

Поврзани вести

АУДИО: Џорлев како директор на „Танец“ се лути про... На ЈуТјуб се појави аудио снимка од доскорешниот директор на Ансамблот „Танец“ од која што може да се слушне како Зоран Џорлев на состанок со вработен...
Ретроспективна изложба на копаничарот Раде Костовс... Во уметничката галерија на Локална установа Градски музеј - Крива Паланка, вечерва ќе биде отворена ретроспективната изложба на дводецениското творешт...
Седмо издание на Фестивалот за народна култура „По... Десетина културно-уметнички друштва и ансамбли на народни песни и игри учествуваат на Фестивалот на народна култура „Пображење“, што во организација н...
Шпанскиот мајстор на гитара Игнасио Родес вечер на... Вљубениците во звукот на класичната гитара вечер во рамки на Фестивалот „Охридско лето“ ќе имаат несекојдневна можност да уживаат во уметничкиот израз...
Повик за учество на ликовни уметници на групна изл... До први септември е отворен повикот на Здружението за култура „Транзен“ за учество на ликовни уметници на групната изложба „Несовршен простор“ на која...
Од 19 до 25 август осмиот „МакеДокс“... Осмото издание на Фестивалот на креативен документарен филм „МакеДокс“ ќе се одржи од 19 до 25 август 2017 година во, и на платото пред, Куршумли-ан в...