Нови роботи инспирирани од лилјаци

Нови роботи инспирирани од лилјаци

Научници од Технолошкиот институт во Калифорнија изработиле нов вид на робот кој може да лета, при што како инспирација им служеле акробатските способности на лилјаците.

– Таквиот робот еден ден ќе доставува пакети или ќе прегледува региони погодени од природни катастрофи, тврдат научниците творци на роботот.

Тие потсетуваат дека лилјаците имаат најсофистицирани крилја во животинскиот свет, во кои се наоѓаат околу 40 зглобови што им овозможуваат исклучителна подвижност за време на летот.

– Секогаш се воодушевувам кога ќе видам лилјаци како се превртуваат во воздухот или како нагло свртуваат кога фаќаат плен, изјави инженерот по роботика Сун-Јо Чунг, кој еден од творците на роботот.

Во минатото научниците изработуваа роботи кои личеа на инсекти или птици, а кога се обидувале да направат робот што имитира лилјаци, доживуваа неуспех поради големиот број на зглобови во крилјата.

Меѓутоа, Чунг и неговите колеги успеале да направат робот под името „Бет Бот” или Б2, кој може да лета и да се врти како лилјак, бидејќи откриле кои компоненти се клучни за работа на нивните крилја, а тоа се зглобовите во рамената и лактот. Б2 има тенки еластични крилја за разлика од претходните модели, чии крилја биле крути.

– За време на летот, флексибилните крилја се полнат со воздух и кога се враќаат на место го исфрлуваат воздухот, што им овозможува дополнително подигнување, објасни инжинерот по роботика и еден од авторите на студијата Сет Хатчинсон.

Зглобовите во крилјата се изработени од 3Д пластика и прекриени со мека, тенка и трајна кожа од силикон. Роботот има 93 грама и распон на крилјата од 47 сантиметри. За време на пробниот лет можел да лета со брзина 5,6 метри во секунда.

Научниците сметаат дека е побезбеден за употреба од комерцијалните дронови поради мекоста на крилата и малата тежина. Ако се залетаат кон луѓе или некои други објекти, не би предизвикале речиси никаква штета за разлика од дроновите.

Поврзани вести

Почнува производството на „Шелби ГТ350Р“ модел ста... Легендарниот тркачки модел, „Шелби ГТ350Р“ од 1965 година, наскоро повторно ќе почне да се изработува со помош на неколкумина ентузиасти кои се заслуж...
Порше не сака да оди на суд, на клиентите им купув... Во еден од најнеобичните вонсудски договори, Порше се обврза на сопствениците на одредени модели на оваа марка во САД да им исплати пари за купување н...
Кинезите од саемот во Франкфурт тргнуваат во поход... Кинескиот автомобилски бренд „Чери“ (Chery) сака да го освои Стариот континент, а првиот нов модел за европскиот пазар ќе го претстави веќе во септемв...
Фејсбук додава нова опција за да ги поттикне корис... Фејсбук ова лето почна да тестира неколку нови опции за камерата, а најинтересна е можноста за снимање на GIF-ови. Фејсбук се одлучи на корисниците да...
Европската унија почнува да развива европски супер... Европската комисија веќе подолго време размислува за изградба на супер компјутер на подрајчето на ЕУ, кој би служел на земјите членки и би овозможил н...
Изум кој го унапредил возењето: 90 години на серво... Без никакви дилеми, системот за сопирање е прв и најважен дел од безбедносните компоненти на возилата, но пред еден век автомобилските сопирачки со ма...