Купувачи чекаат уште 12 вредни модели „Лексус ЛФА“

Купувачи чекаат уште 12 вредни модели „Лексус ЛФА“

Пред пет години заврши производството на суперспортскиот „Лексус ЛФА“, а најновите податоци покажуваат дека на лагер и натаму има неколку непродадени примероци.

Моделот, чие производство беше ограничено на 500 примероци, и за кого долго се веруваше дека е распродаден, се чини, се уште, може да се пронајде кај некој од овластените продавачи на оваа луксузна марка на „Тојота“ во САД.

Кога „Аутоблог“ во јули собираше статистички информации за продажбата на нови автомобили наиде на податоци дека во изминатиот месец во САД бил продаден и еден „Лексус ЛФА“.

На прашањето до производителот, дали во прашање е некоја грешка, „Лексус“ одговорил дека не станува збор за грешка и притоа открил дека, според нивните податоци, кај овластените продавачи во САД се наоѓаат ни помалку ни повеќе туку 12 нови модели „Лексус ЛФА“.

Оваа информација претставува изненадување со оглед на тоа дека „ЛФА“ е многу баран модел кај љубителите на суперспортски автомобили и богати колекционери, а специјалните верзии, како „Лексус ЛФА Нурбургринг Едишн“ на огласи се продаваат за повеќемилионски суми.

Покрај се, мала е веројатноста дека некои од продавачите кои веќе со години имаат „ЛФА“ на својот лагер брзаат да го продадат автомобилот. Некои од 12-те вредни „Лексуси“ можат – изложени во салон – да послужат како добра реклама, но и инвестиција за иднината, затоа што се очекува нивната цена постојано да расте.

Портпаролот на „Лексус“ верува дека голем дел од овие возила нема никогаш да бидат продадени, освен во случај наследниците на сопственикот на салонот еден ден одлучат да ги отуѓат.

Поврзани вести

Почнува производството на „Шелби ГТ350Р“ модел ста... Легендарниот тркачки модел, „Шелби ГТ350Р“ од 1965 година, наскоро повторно ќе почне да се изработува со помош на неколкумина ентузиасти кои се заслуж...
Порше не сака да оди на суд, на клиентите им купув... Во еден од најнеобичните вонсудски договори, Порше се обврза на сопствениците на одредени модели на оваа марка во САД да им исплати пари за купување н...
Кинезите од саемот во Франкфурт тргнуваат во поход... Кинескиот автомобилски бренд „Чери“ (Chery) сака да го освои Стариот континент, а првиот нов модел за европскиот пазар ќе го претстави веќе во септемв...
Изум кој го унапредил возењето: 90 години на серво... Без никакви дилеми, системот за сопирање е прв и најважен дел од безбедносните компоненти на возилата, но пред еден век автомобилските сопирачки со ма...
Се продава последниот суперспортски „Форд ГТ40 Род... Единствениот останат оригинален прототип на суперспортскиот „Форд“ од 1960-тите со отворен покрив бара нов сопственик. „Форд ГТ40“ настана со намер...
Новиот „Ауди А3“ пристигнува во 2019 година, дефин... Во ноември 2016 година пристигна веста дека „Ауди“ го одложи развојот на новата генерација на моделот !„А3“ со цел да се фокусира на проблемите предиз...