Состанок за препораките на ГРЕКО во Министерството за правда

Состанок за препораките на ГРЕКО во Министерството за правда

Во Министерството за правда денеска се одржа координативен состанок во врска со реализацијата на препораките на Групата на држави против корупција – ГРЕКО на Совет на Европа од Четвртиот круг на евалуација, на тема: „Спречување на корупцијата кај членовите на Собранието, судиите и јавните обвинители“.

– Учесниците на состанокот информираа за преземените активности за понатамошна реализација на препораките за кои ГРЕКО, во Првиот Извештај за усогласеност за Република Македонија – Четврт круг, заклучи дека се нереализирани и делумно реализирани. Со оглед на фактот дека ГРЕКО, со споменатиот извештај, го утврди 31 јануари 2017 година како краен рок за реализација на препораките, беа разменети и информации за состојбата и плановите на институциите во претстојниот период во оваа насока, се наведува во соопштението од Министерството за правда.

Министерот Саљији на средбата ја истакнал својата заложба за реализација на препораките на ова тело кои се во доменот на Министерството и истакнал дека тие се веќе предвидени во програмата за работа на институцијата. Воедно ги повика и останатите надлежни институции да преземат мерки со цел за реализација на препораките кои се од нивна надлежност во рамките на предвидениот рок.

На состанокот, како што соопшти Министерството за правда, покрај министерот за правда, Билен Саљији, присуствуваа Анета Арнаудовска, шеф на Делегацијата на РМ во ГРЕКО, претседателите на Судскиот совет, на Здружението на судии, на Здружението на јавни обвинители, на Државната комисија за спречување на корупција, претставник на Собранието на РМ и претставници на надлежните сектори од Министерството за правда.

Поврзани вести

Полицијата трага по Горан Грујевски, не ги чекал в... Полицијата вечерва не го пронајде Горан Груејевски, поранешниот началник на УБК, во својот дом. Не е јасно ниту дали е приведен и Никола Бошковски, со...
Европско јуниорско првенство во воздухопловно моде... На спортскиот аеродром во Прилеп денеска започна Европскиот јуниорски шампионат во воздухопловно моделарство, на кој учествуваат околу 80-тина натпрев...
Двајца македонски каратисти ќе се борат за злато в... Македонските каратисти кои учествуваат на Европското универзитетско првенство во Куимбра, Португалија, денеска во елиминацискиот дел од првенството по...
ВМРО-ДПМНE бара оставка од министерот Таравари пор... Алармантна и загрижувачка е ситуацијата во Гостивар и Гостиварско. За само три дена негрижата и неспособноста на министерот Таравари однесе два човечк...
Поддршка од Велика Британија за реформската Влада ... Премиерот Зоран Заев придружуван од заменик претседателот на Владата задолжен за европски прашања, Бујар Османи, попладнево се сретна со Фиона Мек Илв...
Средба на Спасовски со верските поглавари: МВР ќе ... Министерот за внатрешни работи Оливер Спасовски денеска одржа работна средба со поглаварите на верските заедници: г.г. Стефан- поглавар на Македонскат...