ВМРО-ДПМНЕ: Неприфатливо е формирање партиска полиција

ВМРО-ДПМНЕ: Неприфатливо е формирање партиска полиција

ВМРО-ДПМНЕ тврди дека министерот за внатрешни работи Оливер Спасовски работи незаконски и го партизира Министерството расчистувајќи истовремено со професионалните кадри кои во изминатиот период биле заслужни за многу акции.

– Тоа што го прави Оливер Спасовски е целосно незаконски и е спротивно на Колективниот договор и Законот за внатрешни работи, рече Сашо Павловски од ВМРО-ДПМНЕ на прес-конференција, истакнувајќи дека „сиот хаос кој го креирал Спасовски резултирал со драстично намалување на активностите на Министерството за внатрешни работи“.

Сите оние кои имаат личен и професионален интегритет во Министерството, наведе Павловски, станаа предмет на отстрел на новиот министер и неговиот политички тим.

– Потпретседателот на СДС и неговите партиски послушници секојдневно се јавуваат и повикуваат вработени во МВР кои низ долги години во службата, постепено ја граделе кариерата и стигнале до одредена позиција за да им нудат одредени пониски позиции. Им нудат пониски места на кои би биле распоредени по сопствено барање. Во спротивно, следат закани дека ќе бидат деградирани, рече Павловски.

Формирањето партиска полиција, истакна, е целосно неприфатливо и ќе ја наруши безбедноста во државата.

– Министерството за внатрешни работи мора да одговори колку решенија се поделени изминатиов период и кои се причините за смени. ВМРО-ДПМНЕ ги повикува сите професионалци во полицијата да не подлегнуваат на политичките притисоци од страна на потпретседателот на СДС и правдата да ја бараат пред повисоките органи. ВМРО-ДПМНЕ ги повикува и претставниците на меѓународната заедница, кои го следат работењето на полицијата, навреме да реагираат и да не дозволат ситуацијата да излезе од контрола, рече Павловски.

Поврзани вести

Полицијата трага по Горан Грујевски, не ги чекал в... Полицијата вечерва не го пронајде Горан Груејевски, поранешниот началник на УБК, во својот дом. Не е јасно ниту дали е приведен и Никола Бошковски, со...
Европско јуниорско првенство во воздухопловно моде... На спортскиот аеродром во Прилеп денеска започна Европскиот јуниорски шампионат во воздухопловно моделарство, на кој учествуваат околу 80-тина натпрев...
Двајца македонски каратисти ќе се борат за злато в... Македонските каратисти кои учествуваат на Европското универзитетско првенство во Куимбра, Португалија, денеска во елиминацискиот дел од првенството по...
ВМРО-ДПМНE бара оставка од министерот Таравари пор... Алармантна и загрижувачка е ситуацијата во Гостивар и Гостиварско. За само три дена негрижата и неспособноста на министерот Таравари однесе два човечк...
Поддршка од Велика Британија за реформската Влада ... Премиерот Зоран Заев придружуван од заменик претседателот на Владата задолжен за европски прашања, Бујар Османи, попладнево се сретна со Фиона Мек Илв...
Средба на Спасовски со верските поглавари: МВР ќе ... Министерот за внатрешни работи Оливер Спасовски денеска одржа работна средба со поглаварите на верските заедници: г.г. Стефан- поглавар на Македонскат...