Заврши 15. „Пивофест“ во Прилеп

Заврши 15. „Пивофест“ во Прилеп

Синоќа во Прилеп заврши 15. фестивал на пивото „Пивофест“. Сите четири фестивалски дена поминаа весело, со илјадници посетители од сите страни и во добра организација, беше истакнато на денешната прес-конференција на организаторите.

Според водителката на фестивалот Маријана Станојковска, помина уште еден одлично организиран фестивал.

– Сите четири фестивалски денови поминаа во одлична организација и Прилеп уште еднаш докажа дека е најфестивалски град, рече Станојковска.

Талија Петреска од Центарот за граѓанска иницијатива оцени дека фестивалот е успешен затоа што ниту врнежите во текот на вчерашниот ден не ја нарушија веселата атмосфера.

– Задоволни сме како помина фестивалот. Гостите беа, особено вчера, навистина упорни и покрај дождот, кога последна на фестивалот настапи музичката ѕвезда Северина. Сите денови се дегустираше пиво, се јадеше вкусна скара и големиот број музички ѕвезди од земјава и од Балканот атмосферата ја направија незаборавна, рече Петреска.

За прилепскиот градоначалник Марјан Ристески за добрата организација на јубилејниот 15 „Пивофест“ заслужни се сите учесници, пиварниците, угостителите и гостите кои ги имаше од сите страни.

– Сите учесници придонесоа за одлично да помине уште едно издание на овој голем фестивал. А годинава, во почетокот не се знаеше точно дали ќе се одржи поради политичката ситуација и неизвесните ингеренции на локалната самоуправа. Но, граѓаните сакаа уште едно фестивалско издание и во многу краток рок, три-четири недели, го организиравме Фестивалот. Задоволни сме од тоа како поминаа сите четири фестивалски дена. Илјадници посетители од земјава и од странство се забавуваа на фестивалот. Организацијата беше на највисоко ниво, немаше поголем инцидент, освен некои ситни кои се дел од веселата фестивалска атмосфера, рече Ристески.

Најави дека во текот на денешниот ден целото градско централно подрачје комуналните служби ќе го расчистат.

Поврзани вести

Со RAVE – проект техно ќе се затвори Штипско култу... Како дел од Штипско културно лето, утревечер со почеток од 21 часот на летната сцена во Дом на млади - Штип ќе се одржи третото издание на RAVE со про...
Играта ја поттикнува интелигенцијата... Наједноставните игри како што се префрлување на пинг-понг топче со дување од рака во рака придонесуваат за намалување на стресот, релаксирање и отвора...
Евровизија 2018 ќе се одржи во Лисабон... Организаторот и португалската државна телевизија РТП објавија дека Евровизија в година ќе се одржи во Лисабон. Финалната вечер ќе биде одржана во а...
ФОТО: „Хобитска“ куќа во Шкотска... Во близина на шкотскиот град Томиџ е сместена несекојдневна куќа, која потсетува на домот на Билбо Бегинс, херојот на Толкин од „Господар на прстените...
Иранска конзервативна ТВ водителка снимена како бе... Водителката на иранската државна телевизија, Азадех Намдар е снимена во текот на годишниот одмор во Швајцарија, како пие пиво без хеџаб на главата. ...
Ѕвездите на „Деспасито“ бесни на претседателот на ... Авторите на светскиот хит „Деспасито“ го обвинија претседателот на Венецуела, Николас Мадуро дека ја искористил нивната песна во политички цели. Ма...