Николовски: Неплатени половина милион евра за членарина во меѓународните организации

Николовски: Неплатени половина милион евра за членарина во меѓународните организации

Околу половина милион евра е долгот на Македонија за членство во меѓународните организации што не го плаќала претходната влада изминатите години и поради кој на земјава и се заканува опасност од исклучување или губење на правото на глас, соопшти министерот за земјоделство, шумарство и водостпанство Љупчо Николовски.

По подмирувањето на долгот кон ФАО од над 30.000 евра минатиот месец, денеска, информира Николовски, почнува исплатата и на членарината во Меѓународната организација за вино, вреден околу 60.000 евра.

Најмногу, вкупно пет години, не се плаќала членарина во Европската организација за заштита на растенијата кон која долгот сега изнесува 140.000 евра.

– Три години не е платено во Меѓународната организација за вино каде наследениот долг изнесува околу 60.000 евра, а исто толку не е плаќано и во Постојаната работна група за регионален рурален развој во Југоисточна Европа (SWG) каде вкупниот долг е 90.000 евра. До 2012 година за ФАО не се плаќало ништо. Последните години се плаќале минимални износи, а реалните долгови само се акумулирале, така што наследивме вкупен долг од 2012 досега во износ од речиси 134 илјади евра, посочи Николовски.

Според него, претходната гарнитура на Министерството за земјоделство, наместо да плаќа членарини во ови клучни меѓународни институции чија поддршка на Македонија и е неопходна, потрошила стотици илјади евра по основ на прекувремени часови на вработените, без да биде запазена законската регулатива за нивно најавување и следење.

– Воведуваме нови правилници кои ќе ја регулираат оваа област. Поранешните министри и нивните заменици трошеле пари од службени картички за да купуваат во бутици, маркети, кафеани и спа центри, но не ги плаќање потребните обврски, истакна Николовски.

Исплатата на долговите кон меѓународните организации и институции, напомена министерот, ќе се врши етапно.

Поврзани вести

Владата ќе преземе пакет мерки за стабилизирање на... Македонија годинава очекува недостиг на околу 110.000 тони пченица поради што веројатно ќе реализира увоз. За стабилизирање на пазарот, Владата ќе пре...
Македонија и Бугарија ќе ја продлабочат соработкат... Македонија и Бугарија ќе ја продлабочат соработката во енергетиката преку разгледување на можноста за изградба на ново интерконективно гасно поврзувањ...
Бугарската Влада го одобри меморандумот за железни... Бугарската Влада денеска го одобри Меморандумот за соработка меѓу министерствата за транспорт на Бугарија и на Македонија за развој на железничкиот со...
Турски бизнисмени од Адијаман ги истражуваат можно... Текстилната индустрија, производството на мермер, земјоделството, сточарството, рударството и туризмот се секторите за кои се заинтересирани да сорабо...
Бектеши – Техада: Македонија и Швајцарија да... Македонија да ја унапреди економската соработка со Швајцарија која претставува нејзин значаен трговски партнер, е заклучокот од денешната работна сред...
Премиерот Заев со претставници на Светска Банка: Н... Претседателот на Владата на Република Македонија, Зоран Заев денеска се сретна со регионалната директорка на Светска банка за Западен Балкан, Линда Ва...