СВР Тетово: Засилени контроли за откривање и санкционирање на пукањето на свадби

СВР Тетово: Засилени контроли за откривање и санкционирање на пукањето на свадби

По неколкуте случаи на ранување и повреди од огнено оружје, на тетовско-гостиварското подрачје, СВР Тетово денеска ги повтори апелите за воздржување од пукање и неовластено приредување на огномети и најави засилени контроли.

Апелите според портпаролот Марјан Јосифоски, доаѓаат во период кога во полн ек се свадбените и други семејни свечености на кои непосредно или посредно се случија и повредувања од огнено оружје.

– Пукањето е спротивно на Законот против јавниот ред и мир и глобата за овој вид прекршок се движи од 200 до 500 евра во денарска противвредност. Зависно од околностите и крајните последици, пукањето може да претставува и кривично дело за кое е предвидена и затворска казна од една до пет, односно десет години, подвлекува Јосифоски.

Од СВР Тетово, нагласуваат дека треба да се води сметка и да не се доведе во прашање безбедноста на животот на присутните при огранизрањето на семејните веселби.

– Сакаме уште еднаш да им укажеме на граѓаните од Полошкиот регион дека огнометите задолжително треба да ги пријавуваат во најблиските полициски станици или одделенија, на подрачјето на кое се организираат, а нивните организатори однапред да ги применат сите законски предвидени заштитни мерки, вели портпаролот на СВР Тетово, Марјан Јосифоски.

Секторот за внатрешни работи Тетово веќе ги засили контролните, превентивни и други активности за навремено откривање и санкционирање на свадбените и други нарушувања на јавниот ред и мир.

Поврзани вести

Скопје и Демир Капија најтопли со 38 степени... Скопје и Демир Капија денеска се најтопли градови во Македонија со измерени 38 Целзиусови степени. Следуваат Штип и Тетово со 37, Гевгелија и Виница с...
Изгоре куќа во Речица, Кумановско... Момчило Стефановски, 55-годишен самохран родител од кумановското село Речица, невработен, татко на лице со попреченост, денеска преку медиумите, побар...
(ВИДЕО) Интервју со Димовски: Ќе барам отштета од ... ВМРО-ДПМНЕ остро ќе се спротивстави на ново поместување на локалните избори, ако некој има намера да ги одложи уште еднаш треба да каже во јавноста. Н...
Ѓорчев: Владата да одговори зошто ја менува страте... Владимир Ѓорчев, член на ИК на ВМРО-ДПМНЕ денеска на прес-конференција оцени дека со новата владина „Стратегија за интеграција на бегалци и странци во...
Реакција на општина Гази Баба пресот на СДСМ во Ка... „Градоначалникот Тони Трајковски со жителите на населеното место Камник како и со жителите на улица 5 и 6 во изминатиот период имаше неколку средби на...
ВИДЕО: ДУИ на локалните избори ќе излезе со нови к... Пратеникот на ДУИ, Реџаил Исмали од собранискиот прес-центар рече дека Демократската унија за интеграција е подготвена за престојните локални избори и...