Почна расправата по ребалансот на Буџетот во Комисијата за финансирање и буџет

Почна расправата по ребалансот на Буџетот во Комисијата за финансирање и буџет

Во Собранието на Република Македонија, во матичната Комисија за финансирање и буџет денеска почна расправата по предложениот Ребаланс на Буџетот за 2017 година.

Пред членовите ребалансот го образложи министерот за финансии Драган Тевдовски кој рече дека основна цел на предложениот ребаланс е да ги намали непродуктивните трошоци и да обезбеди простор за реализација на политиките на новата влада.

Вкупните приходи во првите шест месеци се 86,4 милијарди денари што е 46 отсто во однос на планираното, а расходите се 94,6 милијарди денари.

Министерот истакна дека на расходната страна сериозно намалување има кај расходите за стоки и услуги кои се скратени за 2 милијарди денари во однос на иницијалната проекција.

– Направени се кратења за службени патувања, репрезентација, економски презентации и рекламирање, рече Тевдовски.

За капиталните расходи истакна дека тие во првата половина сериозно потфрлиле и оти се реализирани 8,7 милијарди денари или 32 проценти од годишно планираното со буџетот.

Со ребалансот, како што рече, се планирани 23,4 милијарди денари за капитални расходи и поради ниската реализација во првата половина од годината извршено е намалување кај проектите кои имаат забавена динамика на реализација. Но, сепак, смета, планираното на капитални расходи е значајно ако се спореди со реализацијата во последните четири години каде што никогаш не надминала 19 милијарди денари.

Тој во однос на преземените, а неплатени обврски од претходната власт информира дека до крајот на неделата Министерството за финансии ќе ги објави и оти во моментов се договара проект со Светска банка за „чистење“ на ваквите обврски.

Растот на економијата со ребалансот е ревидиран на 2,2 проценти за годинава, а буџетскиот дефицит е проектиран на 2,9 проценти од БДП.

Расправата по предложениот ребаланс според Деловникот на Собранието во Комисијата може да трае 10 работни денови.

По излагањето на министерот, Крсто Мукоски од ВМРО-ДПМНЕ побара еден час пауза за разгледување на експозето.

Поврзани вести

(ВИДЕО) Египет: Воен тенк прегази автомобил со тер... Воен тенк прегази автомобил натоварен со експлозив, а во него се превезувале терористи. Египетските вооружени сили го пофалија возачот на тенкот, зато...
ВМРО-ДПМНE бара оставка од министерот Таравари пор... Алармантна и загрижувачка е ситуацијата во Гостивар и Гостиварско. За само три дена негрижата и неспособноста на министерот Таравари однесе два човечк...
Груевски му се пожалил на Гарет за „незаконски чис... Претседателот на ВМРО- ДПМНЕ, Никола Груевски се сретна со британскиот амбасадор Чарлс Герет. Притоа тој го истакнал значењето на брзото зачленување н...
Протест пред Владата, 30-тина граѓани го блокираа ... Триесетина граѓани со возила денеска го блокираа сообраќајот пред Владата. Според МВР велат дека протестираат  претставници на Здружението на граѓани ...
Владата ќе преземе пакет мерки за стабилизирање на... Македонија годинава очекува недостиг на околу 110.000 тони пченица поради што веројатно ќе реализира увоз. За стабилизирање на пазарот, Владата ќе пре...
Македонија и Бугарија ќе ја продлабочат соработкат... Македонија и Бугарија ќе ја продлабочат соработката во енергетиката преку разгледување на можноста за изградба на ново интерконективно гасно поврзувањ...