Стопанска комора: Цените за Супер купот ги дефинира пазарот

Стопанска комора: Цените за Супер купот ги дефинира пазарот

Да се продолжи работата на угостителските објекти, посебно на оние во руралните средини, да се овозможи ангажирање на младите и на студентите за време на туристичката сезона наместо да ја напуштаат Македонија и да работат надвор, а категоризацијата на хотелите и останатите сместувачки капацитети да ја вршат компетентни лица, бараат туристичките работници.

Воедно апелираат семинарите, едукативните настани и другите видови активности што се одржуваат на државна сметка, да се организираат дома, а не во странство, што би значело директна поддршка за секторот угостителство и туризам.

Бараат и вработените вон сезона да бидат ослободени од плаќање придонеси за да се задржат на работа.

– Во сите држави со сериозно угостителство и хотелиерство, категоризацијата ја врши фелата, додека кај нас тоа го прават нестручни тела, лица избрани од власта. Затоа има објекти рангирани несоодветно на она што го нудат. Бараме примена на европските искуства, измени на Законот за угостителска дејност, истакна заменик-претседателот на Здржението на угостителството и туризмот при Стопанската комора на Македонија Горан Дамчевски.

На денешната прес-конференција во Комората, тој потенцира дека постојниот Правилник за категоризација, кој е усогласен со европскиот и е во функција веќе пет години, може да се применува, но со претходни мали модификации. Проблемот, рече, не е во неговата содржина, туку во спроведувањето.

Во однос на работното време на угостителските објекти, Дамчевски посочи дека е нужно неговото продолжување, но потребно е и воведување дополнителни активности за поголема атрактивност.

Одговорајќи на новинарско прашање за енормното поскапување на сместувачките капацитети пред одржувањето на Супер купот во Скопје, Дамчевски нагласи дека цените пазарно се формираат, а Здружението нема ингеренции да влијае во овој сегмент. Исто така, додаде, не значи дека високите цени, што сега се промовираат, ќе останат исти и нема да претрпат корекција.

– Имаш побарувачка, качуваш цена. Оставаме пазарот да го реши тоа. Ако некој ставил 1.000 евра за ноќевање, може нема да го букираат, ќе го откажат. Од друга страна, тука се и дестинациите во опкружувањето кои цела година имаат стандардни цени, како и другите градови низ Македонија како Берово, Охрид,… Тие се плус и природна конкуренција која на некој начин ќе ја изнивелира и додефинира цената, посочи Дамчевски.

Во однос на актуелната туристичка сезона, заменик-претседателот на Здружението Славе Сирачевски информира дека се очекуваат добри резултати. Охрид е полн, а Скопје е подготвено со дневни излети да ги прими туристите.

– Земјотресите во Охридско не ги предомислија гостите, ниту има какво било откажување на аранжманите во хотелите, рече Сирачевски.

Здружението за угостителството и туризмот при Комората во јуни достави Информација за состојбите во секторот до Министерството за економија и очекува средба за разгледување и надминување на проблемите.

Поврзани вести

СДСМ: Владата транспарентно го објавува и го враќа... „ВМРО-ДПМНЕ, партијата која како власт 11 години тајно и расипнички ги презадолжуваше државата и граѓаните за да се остварат нечии криминални интерес...
ВМРО-ДПМНЕ: Во министерството за финансии владее х... „Министерот Тевдовски, владата на СДС и Зоран Заев од ден во ден тонат во своите лаги. Сакајќи да ја оправдаат својата лага на Заев дека владата н...
СДСМ: Владата ги намалува долговите што ги создаде... „Преку расипничкото и криминално владеење, ВМРО-ДПМНЕ го направи најголемото задолжување кога парите на граѓаните ги трошеше за лажен барок, споменици...
СДСМ: Ребалансот на Буџетот обезбедува повисоки пл... „Ребалансот на Буџетот и кратењето на непродуктивните трошоци за реклами и репрезентации се првите чекори кон остварување на економските мерки кои обе...
Средба на министерот Шапуриќ со Комората на овласт... Министерот без ресор Зоран Шапуриќ оствари средба со претставници на Комората на овластени архитекти и овластени инженери. Средбата, како што денес...
ВМРО-ДПМНЕ: Зошто државата се задолжува со толкава... „СДС бесрамно продолжува да ги задолжува граѓаните на Република Македонија. СДС за помалку од два месеци успеа државата да ја задолжи за околу 70-...