ВИДЕО: Реформаторите поднесоа декларација до ВМРО-ДПМНЕ

ВИДЕО: Реформаторите поднесоа декларација до ВМРО-ДПМНЕ

Членовите на внатрепартиската иницијатива за реформи во ВМРО-ДПМНЕ до Централниот комитет на партијата доставија декларација за демократизација и модернизација на партијата.

Декларацијата се води под мотото „Демократска ВМРО-ДПМНЕ за демократска Македонија“ и содржи осум принципи кои, како што велат од иницијативата, треба да бидат вметнати во измените на Статутот на ДПМНЕ.

– Декларацијата е патоказ кој нуди конкретни решенија за излез од сегашната ситуација во која и победите претставуваат пораз, а пријателите непријатели, вели Илија Илијовски еден од најекспонираните членови на ДПМНЕ, советник во општина Центар,а до неодамна и претседател на ОК на ВМРО-ДПМНЕ за Центар. Илијовски се споменуваше и како можен кандидат на партијата за градоначалничката функција во Центар и до пред неколку месеци редовно ги држеше партиските пресови.

Како што кажа тој, декларацијата ја поднесуваат со цел да покажат дека е време ВМРО-ДПМНЕ да го врати сјајот на демократска и цврста партија. Во декларацијата се предлага раководството да го разгледа принципот на слобода на мисла и говор, принципот на рамноправност, принципот на индивидуална одговорност , принципот на личен интегритет и квалитет и принцип на внатрепартиска солидарност.

-Се надеваме дека Централниот комитет ќе ја разгледа декларацијата, затоа што сметаме дека ќе има позитиевн ефект и кон членовите на раководството и кон членовите на партијата, вели Илиоски.
Во декларацијата реформаторите ги повикуваат сите членови на партијата на дебата и слободно размислување со што ќе се предложат решенија кои според нив ќе бидат поквалитетни од понуденото на еден човек.

-Мудри заклучоци ќе донесат решенија за проблемите. Крајната идеја е реформите да предизвиаат реизбор на органите и телата на партијата кои ќе овозможат да се истакне квалитетот на поединецот, а не гордо наведната глава, порачуваат иницијаторите за реформи во ВМРО-ДПМНЕ.

Виктор Јованов

Поврзани вести

Полицијата трага по Горан Грујевски, не ги чекал в... Полицијата вечерва не го пронајде Горан Груејевски, поранешниот началник на УБК, во својот дом. Не е јасно ниту дали е приведен и Никола Бошковски, со...
Европско јуниорско првенство во воздухопловно моде... На спортскиот аеродром во Прилеп денеска започна Европскиот јуниорски шампионат во воздухопловно моделарство, на кој учествуваат околу 80-тина натпрев...
Двајца македонски каратисти ќе се борат за злато в... Македонските каратисти кои учествуваат на Европското универзитетско првенство во Куимбра, Португалија, денеска во елиминацискиот дел од првенството по...
ВМРО-ДПМНE бара оставка од министерот Таравари пор... Алармантна и загрижувачка е ситуацијата во Гостивар и Гостиварско. За само три дена негрижата и неспособноста на министерот Таравари однесе два човечк...
Поддршка од Велика Британија за реформската Влада ... Премиерот Зоран Заев придружуван од заменик претседателот на Владата задолжен за европски прашања, Бујар Османи, попладнево се сретна со Фиона Мек Илв...
Средба на Спасовски со верските поглавари: МВР ќе ... Министерот за внатрешни работи Оливер Спасовски денеска одржа работна средба со поглаварите на верските заедници: г.г. Стефан- поглавар на Македонскат...