Кривични пријави за двајца тинејџери за кражби од автомобили

Кривични пријави за двајца тинејџери за кражби од автомобили

СВР Скопје понесе кривични пријави против А.В. (18) од Кавадарци и Р.М. (17) од Скопје под сомнение дека извршиле 11 кривични дела во серија.

Двајцата тинејџери се товарат дека извршиле четири тешки кражби во патнички моторни возила, пет обиди за кражба од моторни возила и две кражби на велосипеди, со што се стекнале со противправна имотна корист од околу 110.500 денари, а предизвикале и материјална штета.

Пријавените ги извршиле кривичните дела на 29. мај годинава во периодот од 04.00 до 06.30 часот во гаражите од зграда на ул. „Димче Мирчев“ бр. 20. Со употреба на соодветен алат, насилно влегле внатре и отвориле вкупно девет возила, додека пребарување извршиле во внатрешноста од пет возила при што пронашле и одзеле околу 500 денари, една кошула, очила, навигациски уред, мобилен телефон и други предмети. Покрај предметите од возилата, пријавените од гаражата одзеле и два велосипеди.

Од страна на полициски службеници од Одделението за имотни деликти и малолетничка деликвенција – Центар и Бит Пазар преземени се сеопфатени оперативни мерки и активности. На 17. јуни, од страна на полициски службеници од Единицата за прв одговор и интервенции – Алфа, лишен е од слобода првопријавениот А.В., со кој е извршен службен разговор во кој истиот го појаснил начинот на извршување на кривичните дела.

Секторот за внатрешни работи Скопје – Единицата за имотни деликти и малолетничка деликвенција со Одделенијата, презема дополнителни мерки и активности во насока на расчистување на други кривични дела „тешки кражби“ во патнички моторни возила извршени на подрачјето на град Скопје во затворени паркинг простори и на други локации, по што ќе бидат доставени соодветни поднесоци.

Поврзани вести

Честитка од министерката Шекеринска по повод Рамаз... Министерката за одбрана Радмила Шекеринска упати честитка до граѓаните во Република Македонија од исламска вероисповед по повод празникот Рамазан Бајр...
Иванов упати честитка по повод Рамазан Бајрам... Претседателот на Република Македонија, Ѓорге Иванов, по повод големиот муслимански празник Рамазан-бајрам, упати честитка до поглаварот на Исламската ...
Препораки до граѓаните за заштита од високите темп... Институтот за Јавно Здравје на Македонија апелира до граѓаните да ги почитуваат општите препораки за заштита од високите температури поради тоа што зе...
Состојба на патиштата Сообраќајот на државните патишта се одвива пo суви коловози АМСМ препорачува внимателно возење, прилагодена брзина на движење и почитување на поста...
Хан и Прибе утре во Скопје на средби за Итните реф... Еврокомесарот за европска соседска политика и преговори за проширување Јоханес Хан утре ќе престојува во Македонија на разговори околу плановите за ре...
На граничните премини задржувања од околу 30-тина ... На граничните премини од утрово нема задржувања подолги од 30-тина минути за влез и излез од државата, соопшти АМСМ. Интензитетот на сообраќајот н...