Анѓушев: ЕЛЕМ постапува спротивно од насоките на Владата

Анѓушев: ЕЛЕМ постапува спротивно од насоките на Владата

Заменик претседателот на Владата задолжен за економски прашања д-р Кочо Анѓушев го реафирмира ставот на Владата во однос на објавените јавни повици од страна на АД ЕЛЕМ, со вкупна проценета вредност од 80 милиони евра.

Вицепремиерот Анѓушев потсетува дека Владата го повика раководството на АД ЕЛЕМ, веднаш да го стопира објавувањето на јавните повици, се со цел да се избегне штета на буџетот на компанијата, како и на Република Македонија, во чија целосна сопственост е АД ЕЛЕМ.

Наспроти укажувањето од Владата, раководството на АД ЕЛЕМ, најпрвин во петокот, на 15 јуни, објави јавен повик за набавка на рударска опрема за РЕК Битола во вредност од 34 милиони евра, за да денес го објави и јавниот повик за изградба на топлификација на Битола, Новаци, Логоварди и Могила во вредност од 46 милиони евра.

„Раководството на ЕЛЕМ имаше 11 години да ги реализира овие проекти, а особено проектот за топлификација на Битола, кој им е ветуван на граѓаните пред секој изборен циклус, но за жал не покажа интерес и желба тоа да се случи. Чинот на објавување на овие јавни повици и покрај повикот од Владата до управата на АД ЕЛЕМ, да бидат стопирани, го оценувам како крајно непрофесионален. Развојните проекти на секоја компанија во државна сопственост мора да бидат разгледани и одобрени од страна на Владата, во соодветна постапка и процедура“, реагира вицепремиерот Анѓушев.
За проектот за топлификација на битолскиот регион, најголем дел од планираните финансиски средства, односно околу 39 милиони се од странски кредитор, односно од германската КфВ банка.

„Со оглед на тоа дека станува збор за задолжување, без разлика дали ЕЛЕМ се задолжува, тоа е задолжување кое го прави Република Македонија и токму заради тоа процесот мора да биде стопиран, да се иницира нова постапка и да помине низ соодветна процедура. Не би сакале ниту компанијата, ниту земјата, а најмалку граѓаните да претрпат штети заради неодговорност на менаџментот на ЕЛЕМ“, истакна вицепремиерот.

Вицепремиерот нагласи дека одредена штета е веќе направена со објавувањето на јавните повици, но крајно време е управниот одбор на компанијата да донесе одлука за мораториум на проектите, со цел да не се направи поголема штета и да не се загрози имиџот на Република Македонија и во меѓународни рамки.

Поврзани вести

Утре Собранието ќе гласа за разрешување на Марко З... За утре во 11 часот, претседателот на Собранието Талат Џафери го закажа продолжението на 6-та седница. По тринаесет дена маратонски дискусии  реплики ...
Љупчо Палевски четири часа беше на распит во СЈО... По четири часа распит, бизнисменот Љупчо Палевски заедно со неговиот адвокат излегоа од специјалното јавно обвинителство, но не сакаа да коментираат з...
Заврши  расправата за разрешување на Марко Зврлевс... Заврши дебатата за разрешување на Јавниот обвинител Марко Зврлевски. Продолжението ќе биде дополнително закажано. Координаторот на една од пратенич...
Мицкоски: Извршниот комитет предложи пет кандидати... Христијан Мицкоски од ВМРО-ДПМНЕ денеска на прес-конференција изјави дека ВМРО-ДПМНЕ била во полна кондиција пред локалните избори, заокрожувајќи ги с...
Богоевски: Реформите во МВР и во државните институ... Павле Богоевски денеска во изјава за медиумите рече дека за разлика од претходната практика на раководството на прикривање и заташкување на прекумерна...
Потврдено постоење на пет неолитски градби на лока... Истражувањата на археолошкиот локалитет Врбјанска Чука се завршени и во рамки на ископувањата е потврдено постоење на пет неолитски градби во простор ...