Заврши реконструкцијата на мостот кај кумановското село Долно Којнаре

Заврши реконструкцијата на мостот кај кумановското село Долно Којнаре

Заврши реконструкцијата на мостот во селото Долно Којнаре во Куманово, која се реализираше со средства преку ИПА фондот и со средства од општинскиот буџет на општината.

За реконструкцијата се одвоени 4,6 милиони денари преку ИПА фондовите, втора компонента и два милиони и 900.000 денари од буџетот на општина Куманово. Мостот го користат жителите на ова село, но и учениците од средното земјоделско училишта „Киро Бурназ“, како и посетителите на добиточниот пазар, со кој стопанисува ЈП „Пазаришта“.

– Извршена е комплетна реконструкција, променети се темелни греди, извршено е проширување, направено по сите стандарди за нормален проток бидејќи беше тесно грло за учениците, и на некој начин го решивме проблемот кој е децениски за градот, а пред се за средното училиште „Киро Бурназ“. Мислам дека ова е еден од виталните објекти за Долно Којнаре и за јавното претпријатие „Пазаришта“, изјави Дамјановски.

Проектот започна да се реализира минатата година. Дамјановски најави дека дел од површината кај добиточниот пазар ќе се урбанизира и ќе се намени за паркинг простор, со што ќе се реши сообраќајниот метеж на ова место во деновите од викендот кога има голема посетеност на овој пазар.

Градоначалникот на Куманово го посети и средното стручно училиште „Киро Бурназ“ каде што е завршен проектот за партерно уредување на училиштето. Околу 950.000 денари се одвоени од општинскиот буџет за новата ограда на училиштето и 700.000 денари за платото пред објектот. Училиштето е едно од најстарите училишта во Куманово.

– Последните неколку години навистина работиме на подобрување на имиџот на нашето училиште, кој покрај кавлиететна настава, треба да понуди и соодветно инфраструктурно уредување.Училиштето е изградено 1945 година, информираше директорката на училиштето, Весна Трајковска, која изрази благодарност до локалната власт за обезбедените средства за поставување ограда и уредување на приодот на училиштето

Дамјановски најави дека во наредниот период руинираната зграда на интернатот во Долно Којнаре ќе се реновира и трансформира во Дневен центар за лица со посебни потреби.

Поврзани вести

Утре Собранието ќе гласа за разрешување на Марко З... За утре во 11 часот, претседателот на Собранието Талат Џафери го закажа продолжението на 6-та седница. По тринаесет дена маратонски дискусии  реплики ...
Љупчо Палевски четири часа беше на распит во СЈО... По четири часа распит, бизнисменот Љупчо Палевски заедно со неговиот адвокат излегоа од специјалното јавно обвинителство, но не сакаа да коментираат з...
Заврши  расправата за разрешување на Марко Зврлевс... Заврши дебатата за разрешување на Јавниот обвинител Марко Зврлевски. Продолжението ќе биде дополнително закажано. Координаторот на една од пратенич...
Мицкоски: Извршниот комитет предложи пет кандидати... Христијан Мицкоски од ВМРО-ДПМНЕ денеска на прес-конференција изјави дека ВМРО-ДПМНЕ била во полна кондиција пред локалните избори, заокрожувајќи ги с...
Богоевски: Реформите во МВР и во државните институ... Павле Богоевски денеска во изјава за медиумите рече дека за разлика од претходната практика на раководството на прикривање и заташкување на прекумерна...
Потврдено постоење на пет неолитски градби на лока... Истражувањата на археолошкиот локалитет Врбјанска Чука се завршени и во рамки на ископувањата е потврдено постоење на пет неолитски градби во простор ...