Во Делчево до јуни исплатени 123.000 денари парична поддршка за новореденчиња

Во Делчево до јуни исплатени 123.000 денари парична поддршка за новореденчиња

Општина Делчево во петте месеци од оваа година вкупно исплатила 123 илјади денари по програмата за поддршка на родителите кои во тековната година имаат новородено дете. Како што истакна Сузана Петровска, раководител на Одделението јавни дејности, заклучно со крајот на мај оваа година, правото за паричен надомест за новороденче, во износ од 3.000 денари, го искористила вкупно 41 мајка.

– Исплатени се онолку средства колку што има поднeсено и барање за користење на овој надомест, кој oпштина Делчево го доделува веќе 7 години, се со цел да го стимулира наталитетот на жителите на општината и да го подобри семејниот буџет на младите родители. За оваа намена од bуџетот на општина Делчево за 2017 година се исплатени вкупно 123.000 денари плус персонален данок, истакна Петровска.

Таа додаде дека овие средства се исплаќаат редовно, а од 2013 досега се исплатени вкупно 1,4 милиони денари.

– Во 2013 година за 109 новородени се исплатени вкупно 327 илајди денари, за 2014 по поднесени 105 барања исплатени се 315 илјади, во 2015 година исплатени се 327 илјади денари по поднесени 109 барања, додека во 2016 година за поднесени 119 барања се исплатени 357 илјади денари, рече Петровска.

Таа потенцираше дека општина Делчево на секое прво новородено дете во годината исплаќа по 10 илјади денари.

Поврзани вести

Утре Собранието ќе гласа за разрешување на Марко З... За утре во 11 часот, претседателот на Собранието Талат Џафери го закажа продолжението на 6-та седница. По тринаесет дена маратонски дискусии  реплики ...
Љупчо Палевски четири часа беше на распит во СЈО... По четири часа распит, бизнисменот Љупчо Палевски заедно со неговиот адвокат излегоа од специјалното јавно обвинителство, но не сакаа да коментираат з...
Заврши  расправата за разрешување на Марко Зврлевс... Заврши дебатата за разрешување на Јавниот обвинител Марко Зврлевски. Продолжението ќе биде дополнително закажано. Координаторот на една од пратенич...
Мицкоски: Извршниот комитет предложи пет кандидати... Христијан Мицкоски од ВМРО-ДПМНЕ денеска на прес-конференција изјави дека ВМРО-ДПМНЕ била во полна кондиција пред локалните избори, заокрожувајќи ги с...
Богоевски: Реформите во МВР и во државните институ... Павле Богоевски денеска во изјава за медиумите рече дека за разлика од претходната практика на раководството на прикривање и заташкување на прекумерна...
Потврдено постоење на пет неолитски градби на лока... Истражувањата на археолошкиот локалитет Врбјанска Чука се завршени и во рамки на ископувањата е потврдено постоење на пет неолитски градби во простор ...