Нов обид за промена на Законот за амнестија, затворениците бараат условно укинување на казните

Нов обид за промена на Законот за амнестија, затворениците бараат условно укинување на казните

По првиот неуспешен обид да се промени Законот за амнестија по предлог на граѓанска иницијатива, со новата Влада и новото мнозинство во Собранието следува нова шанса. Граѓанската иницијатива за правата на осудениците со изменет предлог повторно ќе се обиде да направи промена во досегашниот Законот за амнестија.

Измените во новиот предлог се однесуваат на воспоставување условна амнестија за осудените лица, односно на осудениците од страна на судија да им биде одреден временски период во кој тие ќе бидат на слобода,но не смеат да сторат ново кривично дело. Должината на условната казна ќе се одредува во зависност од тежината на кривичното дело кое го сториле.

– Сите ослободени лица од условна амнестија не смеат да направат ново кривично дело. Доколку го сторат тоа, го одлежуваат делот од амнестијата и повторно се казнуваат за стореното кривично дело. Условната амнестија да биде според според тежината на делото од 30 до 50 отсто. Има полесни кривични дела кои не можат да бидат споредени со потешки кривични дела, вели за А1он Мери Николова која важи за предводник во иницијативата за правата на осудениците.

Новиот предлог-закон кој ќе биде доставен до Собранието предвидува казната за доживотните пресуди да се преименува од казна во букви во казна во бројки, односно доживотната пресуда да се преиначи во казна од 20 години.

Предлог законот ги опфаќа лицата во бегство за кои се предвидува повторување на судењето, но без притвор.

– Има голем број на лица во бегство кои сметаат дека се невини, а барано е да бидат затворени. Тие се сигурни дека нивните пресуди се наместени. Предлогот за овие лица е да им се одземат пасошите и да бидат под надзор, но не и дирекно да се затворат, вели Николова која смета дека неправедно осудените ќе бидат во подобра можност да се бранат додека се на слобода, за разлика од кога се затворени.

Според Николова, сите условно ослободени осуденици кои се невино осудени треба да имаат можност да побараат ревизија на кривичното дело кое го сториле. Доколку се утврди дека бесправно лежеле во затвор треба да добијат максимална парична исплата како оштета.

Во предлог – законот за амнестија се предвидува и ресоцијализација на осудениците во вид на советување, хуманитарни активности или работа која би се вршела еднаш неделно и на која осуденикот ќе биде условен да се појавува редовно.
По доставувањето на потписите до Владата и Собранието, што според Николова треба да се случи во текот на неделава, овие институции имаат рок од 15 дена да го достават предлогот на комисија на дневен ред или да одговорат. Доколку не го сторат тоа, осудениците најавија штрајк со глад во затворите, а според најавите ќе се протестира и пред портите на казнено поправните домови.

– Осудениците нема да прифатат никаква измена на предлог законот. Доколку институциите прават своја селекција, тие ќе преземат ригорозни мерки. Нема да отстапат од своите барања, вели Николова, која прогнозира дека овој пат предлог – законот ќе биде прифатен.

– Со овие услови што сега ги предлагаме очекувам законот да помине бидејќи со тоа ќе се заврши општа корисна работа на граѓаните. Во претходниот дел пропуштивме неколку работи, но овој пат би требало да ги поддржат измените, рече Николова.

Причината поради која во 2015 година не дојде до посакуваната промена на овој закон е Комисијата за правно политички систем кој не дозволи да се отвори дебата помеѓу пратениците за ова прашање.

Виктор Јованов

Поврзани вести

Тешко повредена кавадарчанка откако автомобил удри... Со тешки телесни повреди се здобила вечерва кавадарчанка, родена 1959 година, откако автомобил удрил во неа во новиот центар на Кавадарци, во близина ...
Во Гевгелија и во Демир Капија измерени 38 степени... Највисока температура денеска е измерена во Гевгелија и Демир Капија 38 степени, во Струмица 36, во Скопје на Зајчев Рид и во Штип 35, во Скопје Петро...
Средба Џафери-Бренде: Поддршка за реформските проц... Претседателот на Собранието на Република Македонија Талат Џафери, денеска имаше средба со министерот за надворешни работи на Кралството Норвешка, Борг...
Утре ќе биде сончево и топло, УВ-индексот ќе има в... Времето утре во Македонија ќе биде сончево и многу топло, со мала до умерена облачност. Попладне ќе има локален развој на нестабилна облачност со поро...
Османи-Пломп: Холандија отсекогаш била еден од нај... Заменик претседателот на Владата задолжен за европски прашања Бујар Османи денеска оствари средба со амбасадорот на Кралството Холандија, Валтер Пломп...
Средба Заев-Бренде: Владата на Македонија отвора н... Претседателот на Владата на Република Македонија, Зоран Заев, придружуван од министерот за надворешни работи Никола Димитров денеска се сретна со Борг...