Во Кавадарци одбележани 104 години од Тиквешкото востание

Во Кавадарци одбележани 104 години од Тиквешкото востание

Во Кавадарци денеска беа одбележани 104 години од Тиквешкото востание. Цвеќе беше положено на споменикот подигнат во чест на загинатите за време на востанието.

Историчарот Марија Михова потсети дека по завршувањето на Првата балканска војна и протерувањето на Турците од Балканскиот Полуостров, територијата на Македонија била поделена на интересни сфери на влијание. На десната страна на реката Вардар биле концентрирани српските воено административни сили, а на левата бугарските.

– Револтот на населението во овој крај од ден во ден бил се поголем. Затоа поранешните војводи и револуционери се договориле да го подготват револтираниот народ за вооружено востание. Биле ослободени градовите Кавадарци и Неготино и педесетина тиквешки села, меѓу кои и некои од прилепската општина. Кавадарци бил слободен цели седум дена, по што востанието било задушено. По задушувањето на востанието биле убиени 545 луѓе, запалени повеќе од илјада куќи, а 2.700 луѓе биле затворени. Исплашени, за кратко време од Тиквешијата се иселиле повеќе од три илјади семејства, рече меѓу другото Михова.

Пред присутните се обрати и кавадаречкиот градоначалник Александар Панов. Тој потсети и за другите значајни настани од историјата кои се имаат случено токму во јуни.

– Сите оние кои во минатото го дадоа својот живот за ова што денес ние го уживаме треба трајно да останат во наше сеќавање, во сеќавањето на нашите поколенија, бидејќи без нивната жртва ние немаше да бидеме тоа што сме денес и нема да бидеме тоа што очекуваме да бидеме утре. Затоа на сите нив нека им е вечна славата и никогаш споменот за нив да не се заборави, нагласи меѓу другото Панов.

Поврзани вести

Тешко повредена кавадарчанка откако автомобил удри... Со тешки телесни повреди се здобила вечерва кавадарчанка, родена 1959 година, откако автомобил удрил во неа во новиот центар на Кавадарци, во близина ...
Во Гевгелија и во Демир Капија измерени 38 степени... Највисока температура денеска е измерена во Гевгелија и Демир Капија 38 степени, во Струмица 36, во Скопје на Зајчев Рид и во Штип 35, во Скопје Петро...
Средба Џафери-Бренде: Поддршка за реформските проц... Претседателот на Собранието на Република Македонија Талат Џафери, денеска имаше средба со министерот за надворешни работи на Кралството Норвешка, Борг...
Утре ќе биде сончево и топло, УВ-индексот ќе има в... Времето утре во Македонија ќе биде сончево и многу топло, со мала до умерена облачност. Попладне ќе има локален развој на нестабилна облачност со поро...
Османи-Пломп: Холандија отсекогаш била еден од нај... Заменик претседателот на Владата задолжен за европски прашања Бујар Османи денеска оствари средба со амбасадорот на Кралството Холандија, Валтер Пломп...
Средба Заев-Бренде: Владата на Македонија отвора н... Претседателот на Владата на Република Македонија, Зоран Заев, придружуван од министерот за надворешни работи Никола Димитров денеска се сретна со Борг...