Со ИПА грант се реализираат инфраструктурни проекти во Кавадарци

Со ИПА грант се реализираат инфраструктурни проекти во Кавадарци

Неколку проекти во општина Кавадарци се реализираат со средства од ИПА програмата од ЕУ во вредност до 260 илјади евра.

Службата за односи со јавноста на општина Кавадарци денеска соопшти дека парите ќе бидат наменети за реализација на два инфраструктурни проекти со кои ќе се подобрат општинските услуги во локалната патна мрежа и во уличната мрежа во руралните населби.

Првиот проект се однесува на реконструкција и интервенции на локалните патишта во селата Дреново и Возарци, а вториот проект е за асфалтирање и поплочување на улици и тротоари во селата Марена, Дреново, Ваташа, Сопот и Глишиќ.

– Деновиве во завршна фаза е реконструкцијата на делницата од локалниот патен правец од Кавадарци кон селото Дреново во должина од 1.031 метри. Се реконструира потегот од спојот на локалниот пат со регионалниот патен правец Кавадарци – Прилеп. Трасата води по старото прилепско џаде до првата угорница кон село Дреново, информира прес-службата на општината.

Согласно првиот проект се работи и на реконструкција на делница од локалниот пат Возарци – брана ХЕЦ „Тиквеш“, во должина од 1.150 метри.

– Што се однесува до намената на грантовите средства од Европската Комисија наменети за реконструкција на улици и тротоари во селата, со овој проект е опфатено асфалтирање на улици во селото Ваташа во вкупна должина од 544 метри, поплочување на улици во селата Марена, Дреново и Сопот со вкупна должина од 646 метри, како и поплочување на тротоари во селата Марена, Сопот и Глишиќ, со вкупна должина од 566 метри, соопшти Службата за информирање на општината.

Согласно спроведената тендерска постапка по правилата на Светска банка за овие проекти, од европскиот грант ќе бидат потрошени 11.881.625 денари.

Надлежните очекуваат дека со реализација на проектите ќе се подобрат условите за живеење на граѓаните во општината.

Поврзани вести

Утре Собранието ќе гласа за разрешување на Марко З... За утре во 11 часот, претседателот на Собранието Талат Џафери го закажа продолжението на 6-та седница. По тринаесет дена маратонски дискусии  реплики ...
Љупчо Палевски четири часа беше на распит во СЈО... По четири часа распит, бизнисменот Љупчо Палевски заедно со неговиот адвокат излегоа од специјалното јавно обвинителство, но не сакаа да коментираат з...
Заврши  расправата за разрешување на Марко Зврлевс... Заврши дебатата за разрешување на Јавниот обвинител Марко Зврлевски. Продолжението ќе биде дополнително закажано. Координаторот на една од пратенич...
Мицкоски: Извршниот комитет предложи пет кандидати... Христијан Мицкоски од ВМРО-ДПМНЕ денеска на прес-конференција изјави дека ВМРО-ДПМНЕ била во полна кондиција пред локалните избори, заокрожувајќи ги с...
Богоевски: Реформите во МВР и во државните институ... Павле Богоевски денеска во изјава за медиумите рече дека за разлика од претходната практика на раководството на прикривање и заташкување на прекумерна...
Потврдено постоење на пет неолитски градби на лока... Истражувањата на археолошкиот локалитет Врбјанска Чука се завршени и во рамки на ископувањата е потврдено постоење на пет неолитски градби во простор ...