Европарламентот бара заштита на граѓаните на ЕУ и Британија во преговорите за Брегзит

Европарламентот бара заштита на граѓаните на ЕУ и Британија во преговорите за Брегзит

Претседателот на Европскиот парламент, Антонио Тајани и координаторот на европскиот законодавен дом за Брегзит, Ги Верхофстад, уште еднаш ја нагласија потребата да се заштитат граѓаните, како реакција на почетокот на преговорите за повлекување на Велика Британија од Европската унија.

Како што јави дописникот на МИА од Брисел, за кој било склучен договор за Брегзит ќе биде потребно одобрение од Европскиот парламент пред тој да стапи во сила.

Претседателот на Европарламентот порача дека „позицијата на Европскиот парламент е јасна“, а тоа е зачувување на правата на милиони граѓани на ЕУ што ќе бидат погодени од Брекзитот.

– Треба да ги обезбедиме постигнувањата од договорот од Велики петок за Северна Ирска и во однос на финансиските обврски од страна на британската влада, кои ќе бидат неопходни со цел Европскиот парламент да го одобри договорот за потенцијален излез. Преговорите со детали за повлекувањето на Обединетото Кралство од Европската унија сега мора да започнат сериозно и очекувам тие да бидат спроведени на уреден начин и во духот на соработката, изјави Антонио Тајани.

Координаторот на Европарламентот за Брегзит, либералот Ги Верхофстад, пак, порача дека му е драго што Брисел и Лондон се држат до утврдениот распоред за преговори, кој според него е веќе „многу тесен“.

– Сега, пред се, ни е потребен напредок во областа на граѓанските права и создавање на правна сигурност за нашите луѓе и за нашите компании, истакна Верхофстад.

Во април оваа година, Европскиот парламент, со огромно мнозинство, усвои Резолуција во која ги истакнува своите приоритети и услови за преговорите за повлекување на Велика Британија од Европската унија.

Пратениците дадоа апсолутен приоритет на фер и еднаков третман за граѓаните на ЕУ и на Велика Британија, но и истакнаа дека Лондон ќе треба да ги исполни сите свои финансиски обврски, вклучувајќи ги и оние кои може да се надминат по датумот на повлекување.

Таа сума, според она што го кажа главниот преговарач на Унијата со Британците, Мишел Барние, изнесува околу 60 милијарди евра кои Британците ќе треба да му ги исплатат на Брисел за да добијат Брегзит.

Исто така, европратениците истакнаа дека четирите правила на ЕУ за слободно движење на стоки, капитал, услуги и луѓе се неделиви и во Резолуцијата порачаа дека „секој преоден аранжман не смее да трае подолго од три години“.

Сепак, според најавите, официјалното повлекување на Обединетото Кралство од Европската унија треба да се случи во летото 2019 година, а дотогаш преговарачите треба да завршат со договарањето на сите услови за „мек“ излез на Велика Британија од Унијата.

Поврзани вести

Трамп го пофали Ким Џонг-ун поради „мудрата одлука... Претседателот на САД, Доналд Трамп го пофали денеска севернокорејскиот лидер Ким Џонг-ун поради одложувањето на одлуката за истрелување ракети кон аме...
Лавров: Москва е против економското задушување на ... Официјална Москва не ги поддржува повиците за задушување на севернокорејската економија, изјави денеска рускиот министер за надворешни работи, Сергеј ...
Британски институт: Нова корејска војна е реална м... Британскиот Институт за студии за безбедност и одбрана (РУСИ) ја предупреди Владата во Лондон дека „нова корејска војна сега е реална можност“ и апели...
Активисти за Брегзит бараат „отповикување“ од Парл... Активисти во кампањата за Брегзит, покренале иницијати за „отповикување“ на британскиот министер за финансии Филип Хамонд од функцијата пратеник во Па...
Ги Верхофштад: Идејата за невидлива граница меѓу Е... Поранешниот белгиски премиер Ги Верхофштад, кој сега е лидер на блокот либерали во Европскиот Парламент и дел од преговарачкиот тим на ЕУ за Брегзит, ...
Шведска ги зголемува расходите за одбрана... Шведската левоцентристичка малцинска Влада денеска соопшти дека постигнала договор со две опозициски партии за зголемување на расходите на одбраната з...