Советот на ЕУ ги продолжи санкциите за компании од Крим

Советот на ЕУ ги продолжи санкциите за компании од Крим

Советот за надворешни работи на Европската унија утринава ги продолжи ограничувачките мерки како одговор на „нелегалната анексија на Крим и Севастопољ од страна на Русија на 23 јуни 2018 година“, јави дописникот на МИА од Брисел.

Санкциите треба да ги спроведуваат лицата од ЕУ и фирми со седиште во Унијата и се однесуваат на компании на територијата на Крим и Севастопољ.

Санкциите што ЕУ ги продолжи вклучуваат забрана за увоз на производи со потекло од Крим или Севастопољ во Унијата и на инвестиции во Крим или Севастопољ, што значи дека ниту еден Европеец, ниту компанија со седиште во ЕУ, не може да купува недвижен имот или субјекти во Крим, да ги финансира компаниите во Крим или да ги снабдува со услуги оние што се поврзани со нив.

Исто така, туристичките услуги на Крим или Севастопољ, особено европските бродови за крстарење, не можат да се запираат во пристаништата на Кримскиот Полуостров, освен во случај на вонредна состојба.

Санкциите се однесуваат и на извоз на одредени стоки и технологии на компаниите од Крим или за употреба во Крим, во секторот за транспорт, телекомуникации и енергетика и се поврзани со пронаоѓање, истражување и производство на нафта, гас и минерални суровини.

Министрите за надворешни работи на земјите членки на Европската унија, донесоа одлука и дека не смее да се обезбедува техничка помош, посредување, градежништво или инженерски услуги поврзани со инфраструктурата во овие сектори.

Како што е наведено во декларацијата на високата претставничка за надворешни работи и безбедносна политика Федерика Могерини, „Унијата и натаму ја осудува илегалната анексија на Крим и Севастопољ од страна на Руската Федерација и останува посветена на целосно спроведување на нејзините политика на непризнавање“.

Поврзани вести

Лидер на Хезболах: Израелска војна би покренала ил... Лидерот на либански Хезболах, Саед Хасан Насралах изјави денеска дека евентуална идна војна што би ја почнал Израел против Сирија или Либан може да пр...
Прегласниот говор на австрискиот канцелар им прече... На една виенчанка и пречел гласниот говор на австрискиот канцерал Кристијан Керн, по што вербално ги нападнала присутните на настанот. Забавата во ...
Британската полиција предупредува дека со намалено... Висок претставник на британската полиција предупреди дека поради намалено финансирање и ресурси, полицијата ќе биде соочена со „вистински предизвици“ ...
Две агенции на ЕУ се преселуваат од Лондон на нова... Европската агенција за медицина (ЕМА) и Европската банкарска управа (ЕБА) кои досега имаа седиште во Лондон, соопштија дека се повлекуваат од британск...
Поранешен командант на паравоена група на унионист... Поранешниот командант на северноирската паравоена организација „Алстерски доброволни сили“ (УВФ), на локалните унионисти-лојалисти (протестанти) Гери ...
Трамп за амбасадор во Лондон назначи сопственик на... Американскиот претседател Доналд Трамп одлучил за амбасадор на САД во Лондон да биде назначен Вуди Џонсон, сопственик на њујоршкиот клуб за американск...