Џафери – Мурниеце: Летонија останува поддржувач на евроатланската интеграција на Македонија

Џафери – Мурниеце: Летонија останува поддржувач на евроатланската интеграција на Македонија

Претседателот на македонското Собрание Талат Џафери денеска во Рига, каде учествува на 8. Меѓународен безбедносен форум, се сретна со претседателката на летонскиот Парламент, Инара Мурниеце.

На средбата е изразена благодарност за силната и конкретна поддршка што Летонија и ја дава на Република Македонија на планот на европската и евроатланската интеграција, а како позитивен импулс е посочена Заедничката изјава за отворање на пристапните преговори на Европската унија со Република Македонија, усвоена од страна на претставници на комисиите за европски прашања на парламентите на Летонија, Литванија и Естонија во 2012 година. – Со таа изјава се промовираше концептот на паралелно решавање на спорот околу прашањето на името и започнување на пристапни преговори, концепт кој потоа беше поддржан од многу земји-членки на Европската унија, се наведува во соопштението од Кабинетот на претседателот на македонскиот Парламент.

Од страна на летонската претседателка на Парламентот се упатени честитки за изборот на Џафери за претседател на Собранието и за изборот на новата Влада како прв чекор кон стабилизација на политичката состојба во државата.

Претседателката на летонскиот Парламент истакнала дека Летонија и натаму ќе остане силен поддржувач на европската и евроатлантската интеграција на Република Македонија, бидејќи стабилноста на Западен Балкан зависи од неговата целосна европска интеграција.

Соговорниците споделиле взаемни уверувања и очекувања дека цврсто воспоставената билатерална соработка меѓу двата парламента на ниво на пратенички групи за соработка ќе продолжи и во иднина со несмалено темпо, со што пратениците од двата парламента ќе имаат можност одблиску да разменуваат мислења и искуства од парламентарното работење, меѓународната политика и други актуелни прашања.

Собранието на Република Македонија и Парламентот на Република Летонија заедно со Унгарскиот парламент пред неколку години имаа успешен ИПА проект, чиј проектен тим беше предводен од експерт од Летонија. Преку серијата семинари беше доближен процесот на пристапувањето кон ЕУ до службениците во македонското Собрание, како и предизвиците при спроведување на потребните реформи кои се бараат од парламентите на земјите кандидати за членство во Европската унија.

Поврзани вести

Тешко повредена кавадарчанка откако автомобил удри... Со тешки телесни повреди се здобила вечерва кавадарчанка, родена 1959 година, откако автомобил удрил во неа во новиот центар на Кавадарци, во близина ...
Во Гевгелија и во Демир Капија измерени 38 степени... Највисока температура денеска е измерена во Гевгелија и Демир Капија 38 степени, во Струмица 36, во Скопје на Зајчев Рид и во Штип 35, во Скопје Петро...
Средба Џафери-Бренде: Поддршка за реформските проц... Претседателот на Собранието на Република Македонија Талат Џафери, денеска имаше средба со министерот за надворешни работи на Кралството Норвешка, Борг...
Утре ќе биде сончево и топло, УВ-индексот ќе има в... Времето утре во Македонија ќе биде сончево и многу топло, со мала до умерена облачност. Попладне ќе има локален развој на нестабилна облачност со поро...
Османи-Пломп: Холандија отсекогаш била еден од нај... Заменик претседателот на Владата задолжен за европски прашања Бујар Османи денеска оствари средба со амбасадорот на Кралството Холандија, Валтер Пломп...
Средба Заев-Бренде: Владата на Македонија отвора н... Претседателот на Владата на Република Македонија, Зоран Заев, придружуван од министерот за надворешни работи Никола Димитров денеска се сретна со Борг...