Први судири меѓу владините сили и арапско-курдската коалиција во Сирија

Први судири меѓу владините сили и арапско-курдската коалиција во Сирија

Првпат од почетокот на конфликтот во Сирија дојде до судири меѓу сириската армија и припадници на арапско-курдскиот бунтовничи блок Сириски демократски сили (СДФ), кои се поддржани од коалицијата предводена од САД, соопшти Сирискиот центар за мониторинг на човековите права.

Борбите започнале во сириската провинција Рака, во две села што се наоѓаат на речиси 40 километри од градот Рака, кратко време откако синоќа американски воен авион од меѓународната коалиција што се бори против Исламската држава (ИД), собори бомбардер од типот Су-22 на сириското Воено воздухопловство, при што исчезна пилотот.

– Воената авијација на меѓународната коалиција синоќа нанесе удар врз еден од нашите воени авиони во регионот Ресафа, во јужниот дел на Рака, додека тој ја исполнуваше мисиија против ИД, стои во соопштението на сириската војска.

САД потврдија дека американски воен авион синоќа соборил сириски бомбардер, што бомбардирал позициите на силите поддржан од меѓународната коалиција.

Централната команда на САД наведе во соопштение дека сирискиот воен авион бил соборен при „колективна самоодбрана на војската на коалицијата и нејзините партнери“ од Сириските демократски сили.

– Прв пат се водат вистински борби меѓу војската на режимот и арапско-курдските сили во Сирија, изјави директорот на Сирискиот центар за мониторинг на човековите права, Рами Абдел Рахман.

Сириската војска вчера стигна до границите на зоните што се под контрола на силите поддржани од коалицијата предводена од САД во северниот и јужниот дел на Сирија.

Поврзани вести

По инцидентите во Шарлотсвил, Фејсбук ги исклучи п... Социјалните мрежи Фејсбук и Инстаграм ги исклучија профилите на екстремните десничари кои учествуваа во инцидентите во Шарлотсвил, во кои загина една ...
Тилерсон: Во американскиот јавен живот нема место ... Во американското општество нема место за омраза и насилство, какви што беа демонстрирани во Шарлотсвил, во државата Вирџинија, изјави американскиот др...
Двајца загинати при самоубиствен напад крај контро... Две лица загинаа, вклучувајќи го бомбашот-самоубиец, и петмина се повредени рано изутринава во напад во јужниот дел на Појасот Газа, соопшти палестинс...
Анкета: Граѓаните на многу американски сојузници и... Владимир Путин е поприфатлив светски лидер од Доналд Трамп, сметаат граѓаните на повеќе сојузници на САД, вклучувајќи ги Јапонија, Јужна Кореја и седу...
Мун Џе-ин ја разгледува можноста да испрати специј... Јужнокорејскиот претседател Мун Џе-ин изјави дека ја разгледува можноста да испрати специјален пратеник за преговори во Северна Кореја, доколку Пјонгј...
Од почетокот на годинава шумските пожари во Потруг... Шумските пожари во Португалија, од почетокот на годинава досега, опустошиле 141.000 хектари вегетација, што е за три пати повеќе од просекот во послед...