Стечајна фирма на поправен испит

Стечајна фирма на поправен испит

Не сум економист но едно знам најтешко е една фирма кога ќе влезе во стечај , многу е тешко , дури и невозможно да се успее повторно да се исправи на сопствени нозе. Подучен од времињава во кој живеевме една цела деценија под раководство на класична криминална банда оваа наша држава , фирма на братучедите и нивните слуги навистина ни покажа како се внесуваат фирмите во стечај и како се уништуваат.

Можат слободно да си го сертифицираат нивниот метод и тоа да влезе во книгите за млади криминалаци. Едно време кога излегуваа и за своите најголеми катастрофи збореа со епитет дека такви моменти ќе се учат од книгите навистина докажаа дека тие достигнувања биле само за во книга ама за во книга- Како да се стане кириминалец? Бестселер ќе е тоа дело.

Навистина овој пат и после сите крвави случувања разбравме дека причината е во милијарите, народните 12 милијарди за кои беа спремни на се дури и на братоубиствена војна. Подведените и заблудени крвници летаа врз сопствениот народ, врз сопствените сограѓани, комшии, роднини.

Овој пат ќе бидам навистина среќен да го кажам следното Македонија доби чисто небо и полни едра и последна шанса за да и се случи чудо. Да ова мало компактно државиче навистина остане со епитетот оаза на мирот и да од фирма во пропаст и стечај стане гордо повикувана земја која ќе е ценета од сите народи и пример за соживот. Конструктивниот момент го гледам во новите лица кои со чесност после долгата и нерамноправна борба ќе ја раководат оваа држава.

Нам тие луѓе ни даваат светлина на крајот од тунелот, тие луѓе ќе се трудољубиви, искрени, транспарентни и човекољубци. Луѓе кои ќе соединуваат и кои ќе творат во името на граѓаните во името на иднината на поколенијата кои следат. Повеќе никогаш не би сакал да се навратам на се што проживеавме и доживеавме ама едно знам дека секогаш ќе се трудам да останам доследен во тоа што го работам а го работам со жар, елан и љубов, љубов кон сопствениот народ кон сопствената државаa се надевам исто и вие. Ние сме една кошница во која ако сите допринесуваме се трудиме , сплотено градиме и работиме ќе имаме резултати за почит. Научивме голема историска лекција дека на лагата навистина и се кратки нозете.

Дека со илузија и заблуда не се гради иднина не се води држава . Дека само заедништвото ја носи државата напред а не поделбата. Свативме од бандава штоавтентично и пластично ни покажа што значи сето тоа и како грозно и крваво изгледа. Лекцијата ќе ни е во трајно сеќавање . Од денес сакаме богата држава, сакаме добро народно здравство , сакаме соживот, со еден збор сакаме СЛОБОДА, слобода која пристигна и во која сите ние ќе сме дел, карика во создавањето на едно големо пишано дело – Како се спасува државата (фирмата) од пропаѓање.

Капитално дело кое ќе ни ги води идните генерации кон подем и кон слободоумие, слободоумие за да ние станеме тоа што сите го посакуваме да станеме ГОЛЕМИ иако сме мали. Мислам дека овој пат навистина го можеме тоа.Гледам над нас ведро небо и многу позитивна енергија мракот и чемерот заминаа, а и да како за потсетник , втор поправен никогаш нема да имаме.

Ангелчо Андоновски

Поврзани вести

Софијанова не е пејачка која треба да има фанови и... Елементарно непознавање на работите: утрово затекнав „жалопојки" за промената на Софијанова. Тажаленки од многу родители чии деца за среќа се живи. За...
Утврдување лична и поединечна одговорност за секој... Поделбата на власта на законодавна, извршна и судска не смее да биде само деклараторно. Главното мото на државата и на власта треба да биде граѓан...
Мерал Груби: Ми ветија „Живот во Македонија“ и од ... Мерал Груби, која поради презимето ја поврзуваат со функционерот на ДУИ, Артан Грубу појаснува дека нејзиниот сопруг е роднина со него, но дека таа не...
Крајот на играта Може ли, смее ли да се молчи во вакви моменти кога градскиот ,,татко“ , а без сомнение татко насилник, заедно со својата банда насилници и збирштина о...
Како го запознав министерот за здравство, д-р Арбе... За докторот Таравари првпат слушнав пред неколку години од моите родители, кои не штедеа убави зборови за неговото работење како невролог. Паметам дек...
Како Русите нѐ спасија од Груевски?... Во ситуации кога требаат да ја одбранат лојалноста кон сопственото политичко убедување, има некоја сличност во менталниот склоп помеѓу поразените сили...