Меѓународна научна конференција во Тетово

Меѓународна научна конференција во Тетово

Во организација на факултетот за применети науки при Државниот универзитет во Тетово денеска и утре се одржува Третата меѓународна научна конференција на која учествуваат околу 120 експерти од Македонија, Албанија, Косово и Србија со шесеттина трудови од областа на применетите науки.

Конференцијата за отворена ја прогласи ректорот на ДУТ Вулнет Амети кој посочи дека организацијата на оваа научна конференција веќе трета година по ред ја потврдува успешноста на претходните конференции на кои учествувале голем број на научни работници и кои ги поттикнале и охрабриле младите истражувачи за продлабочување на нивните студии.

-Со студиски програми архитектура, градежништво, мехатроника, економско инженерство, геодезија и геоинформатика како и инженерство на транспорт и сообраќај Факултетот за применети науки на нашиот Универзитет ги применува најсовремените текови во овие области со што ја утврдува модернизација на научните процеси. За ДУТ истражувачка работа се смета за најмоќната алатка за унапредување на знаењето, економскиот развој и социјална димензија на образованието и науката. Оваа меѓународна конференција претставува научна вредност и за учесниците, истражувачите од целиот свет кои го унапредуваат квалитетот на истражувањата и претставуваат одлична можност за реализиција на вакви научни собири од областа на применетите науки, рече Амети.

Во продолжение на конференцијата претседателот на комората на овалстени архитекти и инжинери на Македонија Миле Димитровски одржа предавање под наслов Загадувањето на воздухот во урбаните средини – студија на случај за Скопје. Според него воздухот и неговата заштита треба да претставува главен приорите на постојните и идните кадри од архитектурата, урбанизмот, сообраќајот и другите применети науки за справување со енормното загадување на воздухот што стана посебно забележително во последните десеттина години.

-Не постојат итни мерки што би се презеле за да добиеме позитивни резулати околу состојбите со воздухот веднаш, а тоа се однесува и на Тетово и на Скопје каде во изминатите десеттина години се водеа погрешни политики и со тоа и преземените мерки не дадоа посакувани резултати. Меѓутоа уште веднаш треба да се преземат мерки како што се отстранување на депонијата кај Тетово, вистинско регулирање на индустријата во оваа насока, градење на обиколници и други сообраќајници за олеснување на сообраќајниот метеж како една од причините за загадувањето, обновувањето на возниот парк особено кај патничките возила и слично за по десеттина години ако се работи од денес да го ставиме загадувањето под контрола, рече Димитровски.

За професорот од факултетот за примемети науки Вулнет Палоши големата загаденост на воздухот во тетовско но и во други урбани области се лошата урбанизација при модернизацијата и развојот во последните години.

-Тетово сега е образовен, индустриски и трговски центар на регионот и пошироко но зголемемата фрекфенција на луѓе, материјали и стока не беше паралелно следена со соодветен развој на урбанистичките планови, патната инфраструктура и слично. Затоа најитно мора да се ажурираат урбанистичките планови како што е пробивањето на улицата Благоја Тоска или изградбата на обиколницата кон граничниот премин Јажинце со што околу 30 отсто би се намалило загадувањето на воздухот но и истиот процент би бил и во поглед на намалувањето на бројот на сообраќајни несреќи, рече Палоши.

Во рамките на Третата меѓународна конференција на факултето за применети науки на ДУТ беше организирана и изложба посветена на десетгодишнината од постоењето на овој факултет, а беше и промовиран третиот и четвртиот број на списанието на факултетот за стручни научно истражувачки текстови од применетите науки.

Поврзани вести

Утре ќе биде претежно сочево и топло, температури ... Времето утре во Македонија ќе биде претежно сончево и топло со слаб до умерен ветер од променлив правец. УВ индексот ќе има вредност 8. Утринската ...
(ВИДЕО) Богојески: Никола Груевски како лидер на В... Иницијаторот за реформи во ВМРО-ДПМНЕ, Петар Богојески побара заминување на Никола Груевски од лидерската позиција зошто неговото останување ќе значи ...
Жерновски: Разрешен е Марко Зврлевски, најголемиот... Градоначалникот на општина Центар Андреј Жерновски го коментира денешното разрешување на Марко Зврлевски за кој вели дека е  најголемиот заштитник на ...
Работна посета на Министерот за надворешни работи ... По посетите на Данска и Шведска, денеска Министерот за надворешни работи на Република Македонија, Никола Димитров престојуваше во работна посета на Хе...
Судскиот совет одзеде имунитет на судии обвинети в... Судскиот совет на Република Македонија на денешната седница донесе одлука за одземање на имунитетот на петмината судии од Управниот суд обвинети во „Т...
(ВИДЕО) Движење БЕСА: Ако не се обелоденат монтира... Реформите во органите на правдата се уште не се отпочнати, единствениот чекор е иницијативата за разрешување на Јавниот Обвинител, Марко Зврлевски, из...