Возачот што вчера прегази пешаци на „Тајмс сквер“ обвинет за убиство

Возачот што вчера прегази пешаци на „Тајмс сквер“ обвинет за убиство

Осомничениот возач за вчерашното влетување со неговиот автомобил во група пешачи на еден од најфрекфентните њујоршки плоштади „Тајмс сквер“ доби обвинение за убиство.

Обвинителниот акт вклучува и 20 точки за обид за убиство, соопшти њујоршката полиција.

Според американските медиуми, против 26-годишниот Ричард Рохас од Бронкс има и обвинение од пет точки за убиство, извршено со патничко превозно средство под отежителни околности.

Рохас беше уапсен уште вчера откако со својот автомобил на „Тајмс сквер“ влета и удри во приближно 25 лица, пред да запре во бетонските огради, поставени како мерка за претпзливост.

Во инцидентот загина 18-годишна туристка од Мичиген, а нејзината 13-годишна сестра е меѓу 22 повредени лица, од кои четворица се во тешка состојба.

Рохас денеска ќе биде изведен пред суд. Засега не е познато дали има обезбедено адвокат.

Според официјални извори, тој бил припадник на американската Воена морнарица, но бил отпуштен поради проблеми со дисциплината.

– При апсењето тој пред полицијата рече дека слушнал гласови и дека очекува да умре, изјавија двајца претставници на силите на прогонот кои побарале анонимност.

По тоа што се случило на „Тајмс сквер“, Рохас излегол од автомобилот трчајќи, врескајќи и потскокнувајќи, пред да биде запрен од полицајци и минувачи.

– Почна да вреска – ништо конкретно, едноставно врескаше. Истовремено мафташе со рацете, изјави Кен Брадикс, припадник на обезбедувањето на блискиот ресторан, кој учествувал во запирањето на Рохас.

Првичниот тест за присуство на алкохол се покажел негативен, но се очекуваат резултатите и од тестовите за употреба на наркотици, изјавија претставници на органите на прогонот.

Масакрот се одигра во дел од градот, што одамна се смета за можна терористичка цел поради големиот број на луѓе кои постојано се таму – вознемиреност што се појави по нападите од 11 септември и се засили по последните напади во Велика Британија, Франција и Германија, во кои автомобили влетуваа во големи групи пешаци.

Мотивите на Рохас засега се непозанти, но градоначалникот на Њујорк Бил де Блазио изјави дека нема никакви знаци дека тоа што се случи е намерен терористички акт.

Поврзани вести

Голем пожар на Корзика, 2.000 пожарникари го гасна... Голем пожар го зафати францускиот остров Корзика. Според информациите, 2.000 пожарникари се обидуваат да ја стават ситуацијата под контрола, а францус...
Предупредување од ОН: Тензијата на Блискиот Исток ... Николај Младенов, специјалниот координатор на Обединетите нации за мировниот процес на Блискиот Исток, изјави дека тензиите и насилството во комплексо...
Египетската армија ликвидирала 40 членови на ИСИС... Египетските вооружени сили за време на долгата безбедносна операција на Синајскиот Полуостров, каде што членовите на вооружената група Исламска држава...
Тринаесет мигранти се удавија откако им се преврте... Тринаесет мигранти се удавија во Средоземното море, откако се превртел чамецот во кој се наоѓале. Меѓу загинатите има бремени жени и деца. Шпанската с...
Австралиски министер поднесе оставка, не знаел дек... Министерот на Австралија, Мет Канаван, поднесе оставка бидејќи неговата мајка го информирала дека можеби има италијанско државјанство, поради што не м...
Доналд Трамп се подготвува да го смени Џеф Сешенс... Американскиот претседател Доналд Трамп се подготвува да го смени државниот обвинител Џеф Сешенс и за тоа веќе разговарал со своите најблиски советници...