Со показна вежба, во Дебар одбележан Денот на пожарникарите

Со показна вежба, во Дебар одбележан Денот на пожарникарите

Со показна вежба, извлекување повредено лице во запален автомобил при сообраќајна несреќа, Дебарската територјална противпожарна единица го одбележа, 20 мај, Денот на пожарникарите.

Показната вежба се одржа во центарот на градот, а ја следеа голем број граѓани, претставници на институции, како и градоначалниците на Дебар, Центар Жупа и Маврово Ростуше, каде дебарските пожарникари гаснат пожари.

Пожарникарите на вежбата ја потврдија нивната подготвеност за брза, навремена и успешна интервенција.

– Честирајќи ви го денот сакам да ви искажам голема благодарност и признание за вашата максимална пожртвуваност. Активни сте секаде каде што за тоа има потреба, во општина Дебар, Центар Жупа, Маврово Ростуше, но вашата хуманост ја покажувате и со фактот што, по потреба интервенирате и во пограничните делови на соседна Албанија. И досега и во наредниот период ќе настојуваме за што подобро опремување на единицата, зашто сето тоа е во интерес на граѓаните, рече дебарскиот градоначалник Ружди Љата.

Голема благодрност што со брзата интервенција спречиле поголеми катастрофи и секако добрата соработка искажаа и градоначалниците на Центар Жупа, Аријан Ибраим и на Маврово Ростуше, Мукрем Мехмеди. Тие изразија верба дека добрата соработка и разбирање на продолжи и во иднина и посакаа единцата да има што помалку работа.

Сепак, според статистичките податоци кои ги соопшти командирот на ТППЕ, Џетан Мифтароски, во измнатиот период од годинава, споредено со истиот период лани, едницата имала повеќе интервенци.

– Од почетокот на годинава имавме 56 пожари или 70 отсто повеќе споредено со лани истиот период. Од вкупниот бро,ј 40 пожари се во објекти и причинетата материјална штета е поголема, посочи Мифтароски.

Тој од претставник на фабриката „Кнауф“ прими донација вакум пумпа за вода, што е последователна донација од оваа компанија, која претходно донираше противпожарно возило.

Поврзани вести

Скопје одбележува 54 години од катастрофалниот зем... Скопје со повеќе активности и манифестации одбележува 54 години од катастрофалниот земјотрес во 1963 година, во кој 1.070 луѓе го загубија животот, а ...
Министерката Шекеринска во посета на Албанија... Министерката за одбрана на Република Македонија Радмила Шекеринска ќе престојува во еднодневна официјална посета на Република Албанија. Шекеринска ...
АЕК не дава веќе пари за Панорамското тркало... Агенцијата за електронски комуникации – финансиер на Панорамското тркало годинава нема да донира пари на сметката на ЈСП за изградбата на овој проект....
Жбогар: Очекувам поддршка од сите партии за законо... Евроамбасадорот Самуел Жбогар при денешната посета на Струга изрази оптимизам во однос на имплементацијата на реформскиот владин план. Тој порача дека...
Иванов ја повика Владата јавно да го објави догово... Претседателот на Република Македонија, Ѓорге Иванов, ја повика Владата да го објави и образложи текстот на договорот за добрососедство со Бугарија пре...
Нов земјотрес во Охрид со јачина од 3.1 степен... Нов земјотрес со јачина од 3.1 степени во 19.11 минути беше почувствуван во охридскиот регион. Епицентарот на земјотресот бил на 4 километри од Охрид ...