Елисејска палата: Макрон не ги избира новинарите што го следат при посетите

Елисејска палата: Макрон не ги избира новинарите што го следат при посетите

Елисејската палата денеска во писмо испратено до организацијата Репортери без граници тврди дека не сакала да се меша во изборот на медиумите на новинарите кој ќе ја следат денешната посета на шефот на француската држава Емануел Макрон на Мали, јави дописникот на МИА од Париз.

Со ваквата реакција Елисејската палата се обидува да го смири револтот на медиумите, кои тврдат дека имале проблеми со начинот на работа на новата екипа за комуникација на претседателот.

– Ние никогаш не сме наметнувале еден новинар наместо друг… Новинарите кои се загрижени можат да бидат сигурни дека Елисејската палата нема намера да ја врши работата редакциите, се наведува во посмото на Прес-службата на Елисејската палата, чии извадоци објави Репортери без граници.

Петнаесетина новинарски редакции и организацијата Репортери без граници вчера протестираа затоа што како што тврдат Прес-службата на Елисејската палата се мешала во изборот на новинарите кои го придружуваат претседателот Макрон при неговата посета на Мали.

Во писмото на Прес-службата се објаснува дека шефот на државата „се залага за многу темелен третман на темите и сака да ја отвори Елисејската палата зе специјализирани новинари, кои на претседателските активности имаат поинаков поглед“.

– Во овој дух на редакциите им беше предложено за следење на посетата на Мали да биде избрани специјализирани новинари што ги покриваат одбраната или дипломатија, бидејќи станува збор за посета на вооружените сили, стои во писмото на Елисејската палата.

Според Прес-службата, при организација на патувањето во Мали ваквиата определба на Макрон „можеби не била доволно објаснета, па што се појавиле толкувања и проблеми“.

– Го поздравуваме даденото објаснување и подготвеноста за дијалог со редакциите и очекуваме тоа да биде докажано во текот на следните денови, се вели во соопштението на Репортери без граници.

Поврзани вести

Голем пожар на Корзика, 2.000 пожарникари го гасна... Голем пожар го зафати францускиот остров Корзика. Според информациите, 2.000 пожарникари се обидуваат да ја стават ситуацијата под контрола, а францус...
Предупредување од ОН: Тензијата на Блискиот Исток ... Николај Младенов, специјалниот координатор на Обединетите нации за мировниот процес на Блискиот Исток, изјави дека тензиите и насилството во комплексо...
Египетската армија ликвидирала 40 членови на ИСИС... Египетските вооружени сили за време на долгата безбедносна операција на Синајскиот Полуостров, каде што членовите на вооружената група Исламска држава...
Тринаесет мигранти се удавија откако им се преврте... Тринаесет мигранти се удавија во Средоземното море, откако се превртел чамецот во кој се наоѓале. Меѓу загинатите има бремени жени и деца. Шпанската с...
Австралиски министер поднесе оставка, не знаел дек... Министерот на Австралија, Мет Канаван, поднесе оставка бидејќи неговата мајка го информирала дека можеби има италијанско државјанство, поради што не м...
Доналд Трамп се подготвува да го смени Џеф Сешенс... Американскиот претседател Доналд Трамп се подготвува да го смени државниот обвинител Џеф Сешенс и за тоа веќе разговарал со своите најблиски советници...