СЗО: За три недели од колера во Јемен починаа 242 лица

СЗО: За три недели од колера во Јемен починаа 242 лица

Во последните три недели во Јемен се регистрирани над 23 илјади случаи на лица заболени од колера, од кои досега починале 242, соопшти денеска специјалниот пртставник на Светската здравствена организација (СЗО) за оваа арапска држава, Невио Ѕагарија.

– Во последните три недели заболеа 23.425 лица, а починаа 242, нагласи Ѕагарија, додавајќи дека болеста досега е регистрирана во 18 од вкупно 23-та јеменски провинции.

Тој нагласи дека првите случаи на колера во Јемен биле регистрирани лани во октомври, но оти во текот на декември бројот на заболени почнал да се намалува.

Сепак, како што нагласи Ѕагарија, од крајот на април се бележи нов пораст на епидемијата со што ситуацијата станува „крајно вознемирувачка“.

Според податоците на СЗО, од октомври, па заклучно со 17 мај, во Јемен се регистрирани над 45 илјади случаи на колера.

Ѕагарија изјави дека доколку продолжи ваквото темпо во следните шест месеци бројот на заболени може да надмине и 300 илјади.

– Покрај веќе евентираните речиси 50 илјади случаи, во следните шест месеци би можеле да очекуваме уште 200 до 250 илјади новозаболени. Претпоставувам дека сфаќате оти во таков случај цената што ќе ја платиме во човечки животи ќе биде исклучително висока, порача Ѕагарија.

Поврзани вести

Египетската армија ликвидирала 40 членови на ИСИС... Египетските вооружени сили за време на долгата безбедносна операција на Синајскиот Полуостров, каде што членовите на вооружената група Исламска држава...
Тринаесет мигранти се удавија откако им се преврте... Тринаесет мигранти се удавија во Средоземното море, откако се превртел чамецот во кој се наоѓале. Меѓу загинатите има бремени жени и деца. Шпанската с...
Могерини: Турција и натаму е кандидат за членство ... Турција останува кандидат за членство во ЕУ, наспроти длабоката загриженост поради состојбата во таа земја во поглед на човековите права и владините п...
Австралиски министер поднесе оставка, незнаел дека... Министерот на Австралија, Мет Канаван, поднесе оставка бидејќи неговата мајка го информирала дека можеби има италијанско државјанство, поради што не м...
Доналд Трамп се подготвува да го смени Џеф Сешенс... Американскиот претседател Доналд Трамп се подготвува да го смени државниот обвинител Џеф Сешенс и за тоа веќе разговарал со своите најблиски советници...
„Блиска средба“ на кинески борбени авиони и америк... Два борбени кинески авиони пресретнале американски авион за надгледување, во реонот на Источното Кинеско Море, по што тој се повлекол, соопшти денеска...