Промовирана публикацијата „Патеки во младинската работа“

Промовирана публикацијата „Патеки во младинската работа“

Младинскиот културен центар (МКЦ) -Битола во рамки на завршниот настан за проектот „Обединети младински работници“ промовира публикација со наслов „Патеки во младинската работа“, чии автори се Драган Атанасов од Сојузот за младинска работа и Ивана Волф од Националната асоцијација на младински работници (НАПОР) од Србија.

Од МКЦ-Битола, издавачи на публикацијата, информираат дека публикацијата претставува преглед на европските, регионалните практики и практиките во областа на младинската работа во Република Македонија.

– Публикацијата ќе послужи како ресурс на сите засегнати страни како што се државните и јавни институции кои ги креираат и спроведуваат политиките за млади и граѓанските организации кои работат со млади, за подобро разбирање на младинската работа и важноста на потребата за препознавање на младинската работа. Публикацијата ќе придонесе за појасно согледување на моменталната состојба и потребата за градење на политиките од областа на младинската работа во Република Македонија, преку согледување на искуствата и добрите практики во Европа, со посебен осврт на земјите од регионот Албанија, Босна и Херцеговина, Хрватска, Црна Гора, Србија и Словенија, информираа од МКЦ-Битола.

Потребата од ваква алатка за застапување произлезе од забелешките на младинските работници и практичари дека во Република Македонија недостига законска рамка, формално и општествено признание, како и институционална поддршка во областа на младинската работа. Во моментов, во Република Македонија младинската работа не е дефинирана со ниеден закон и со тоа не постои законска рамка за стандардизацијата и развој.

Младинскиот работник не е призната професија, а секој може да дејствува како младински работник бидејќи не постојат формални критериуми или стандарди за квалитет на младинската работа како дејност, појаснуваат од МКЦ-Битола.

Проектот е поддржан од Европската Унија во рамки на програмата ИПА ТАИБ 2011 „Понатамошно јакнење и финансиска одржливост на граѓанскот општество“, а е имплементиран од Младинскиот културен центар – Битола и партнерските организации Креактив – Скопје, Младинската мрежа на југоисточна Европа (СЕЕЅН) од Босна и Херцеговина и Националната асоцијација на младински работници (НАПОР) од Србија.

Поврзани вести

Книжевен разговор со писателите Ренато Баретиќ и Е... Издавачката куќа „Готен“ ве поканува на книжевниот разговор со писателите Ренато Баретиќ и Емир Имамовиќ, кој ќе се одржи на 27 јуни со почеток во 20....
„Ослободување на Скопје“ прикажан на филмски фести... Македонскиот кандидат за Оскар, филмот „Ослободување на Скопје” на Раде и Данило Шербеџија се прикажа на филмскиот фестивал во Шангај во рамките на пр...
Второ издание на Фестивалот „Словенија во Охрид“... Со низа културни настани на повеќе локации од денеска до 27 јуни во Охрид ќе се одржува второто издание на Фестивалот „Словенија во Охрид 2017“. Св...
Започнува ликовната колонија „Вевчански видувања“... Во Вевчани утревечер започнува осмата традиционална меѓународна ликовна колонија „Вевчански видувања“, на која годинава ќе учествуваат афирмирани умет...
Поетот Митко Гогов на фестивалот „Словенески венец... Во рамки на четвртиот Меѓународен поетско-музички фестивал „Словенески венец“ 2017, кој се одржа во градот Бреза, во Белорусија, поетот Митко Гогов бе...
Триесетина поети од странство ќе гостуваат на 56. ... При крај се подготовките за 56. издание на „Струшките вечери на поезијата“, кое годинава ќе се одржи од 23 до 28 август во Струга, а поетски читања ќе...