Одбележан Меѓународниот ден на музеите

Одбележан Меѓународниот ден на музеите

Здружението Македонски национален комитет при Меѓународниот совет на музеите (МНК ИКОМ) и Македонскиот национален комитет на Синиот штит денеска го одбележуваат 18 Мај – Меѓународниот ден на музеите.

Претседателот на МНК ИКОМ Маја Чанкуловска-Михајловска им го честита празникот на сите музејски работници и истакна дека тој е востановен пред 40 години, во 1977 година.

– Меѓународниот ден на музеите го одбележуваме традиционално, со советување со светската тема за оваа година „Музеите и спорните истории – кажувајќи го неискажливото во музеите“ и со доделување на наградата „18 Мај – Меѓународен ден на музеите“ за 2016 година, рече Чанкуловска-Михајловска во Националната галерија на Македонија, објект Даут пашин амам.

За Музеј на годината добитник е Музеј и завод Битола, за новоотворениот музеј „Спомен куќа на Татарчеви“, а за музејски проект на годината добитници се „Спомен-куќата на Мајка Тереза“ за проектот „Тишината раскажува за Мајка Тереза“ од авторот Цветанка Вучковска-Митовска и Музејот на македонската борба – Скопје за проектот „Вики клуб во Музеј на македонската борба“ од авторите Даниела Митевска и Ана Вишинова. Наградата за надворешен музејски соработник му припадна на новинарот Тони Димков за ангажманите во афирмацијата на културата и музејското работење.

Претседателот на МНК Син штит Даворин Трпески истакна дека културното наследство во Република Македонија е загрозено и додаде оти продолжува борбата за подобар третман и за подобри услови за работа во музеите.

Во Даут пашин амам во тек е форумот „Минимум опрема за дејство во вонредни состојби во институциите од културата“, каде се обраќаат претставници од музеите во Република Македонија.

Поврзани вести

Две Гран-при награди за кочанските ученици на фест... Вкупно осум награди од кои две Гран-при освои тимот ученици од ОУ „Никола Карев“ на 9. „Марковденски средби за деца и поети“ што се одржа во Бачка ...
Девет концерти на 16.ОфФест од 25-ти до 28 мај... Девет концерти и еден документарен филм во четири дена се на програмата на 16-тиот ОфФест, кој во организација на Скопски џез-фестивал ќе се одржува о...
Актери од Крива Паланка на Меѓународен театарски ф... Претставата „Не обложувај се на Англичани“ во изведба на актерите од драмското студио при Центар за култура Крива Паланка беше изведена на Меѓународни...
Награда за документарниот филм „Езеро од јаболка“ ... Документарниот филм „Езеро од Јаболка“ поддржан од Програмата за развој на Обединетите нации (УНДП) и Швајцарската агенција за развој и соработка ја д...
По втор пат распишан конкурсот за избор за најдобр... Општина Куманово по втор пат го распиша конкурсот за избор за најдобра фотографија со мотиви од Куманово – „Мое Куманово“. Конкурсот се распишува...
Книга за нуклеарната катастрофа во Чернобил од ноб... Издавачката куќа „Антолог“ ја објави книгата „Чернобилска молитва“ од белоруската авторка Светлана Алексиевич, добитничка на Нобеловата награда за лит...