Матурантите танцуваа квадрил на плоштад „Македонија“

Матурантите танцуваа квадрил на плоштад „Македонија“

Околу 1.000 матуранти од 16 средни училишта од Скопје денеска напладне традиционално танцуваа квадрил на плоштадот „Македонија“ и положија заклетва за ненасилство.

Матурантите квадрил танцуваа со сини, а матурантките облечени со жолти маички на музиката од Штраусовата опера „Лилјакот“, на преземен сигнал од Радио Словенија со посредство на Македонското радио – Радио Скопје.

Градоначалникот на Град Скопје Коце Трајановски, порача дека со „Матурската парада“ учениците ќе се придружат на стотици и илјадници матуранти од повеќе европски градови и симболично ќе се поврзат преку музика, танц и дружење.

– Со завршувањето на средното образование пред вас стојат многу можности. Ви посакувам да ги искористите новите предизвици и искушенија кои искрено се надевам дека ќе успеете да ги совладате со својот младешки елан, енергија и ентузијазам, изјави Трајановски.

Изрази надеж, дека нивниот пример ќе го следат и идните генерации матуранти, не само што ќе ја продолжат традицијата, туку и ќе продолжат да ја пренесуваат пораката за мир и толеранција во светот.

Покровители на „Матурската парада 2017“ се Град Скопје и Делегацијата на Европската унија во Скопје. Матурантите годинава танцуваа и салса на композицијата „Shape of you“.

Парадата на матурантите почна да се организира во 2001 година во Љубљана, а во Македонија првпат се одржа во 2007 година во Скопје и во Охрид во организација на Дирекцијата за култура и уметност на Скопје и Танцовиот спортски клуб „Ритам плус“ од Скопје.

Годинава, освен матуранатите од Скопје танцуваа и матурантите од Струга, Охрид, Струмица и Гевгелија.

Поврзани вести

ВИДЕО: Делфини на туристите им го разубавеа крстар... Мајкл Бадер, германски државјанин кој живее и работи во Бар бил пред два дена на крстарење и успеал да сними неколку делфини. Видеото е снимено во ...
Стивен Хокинг: Ако ви се јават вонземјани, не одго... Популарниот научник Стивен Хокинг предупредува дека евентуалното комуницирање со вонземјани нема да биде добро за цивилизацијата. Астрофизичарот см...
Алис Купер случајно најде слика на Ворхол вредна д... Некои луѓе забораваат каде ги оставиле клучевите или телефонот, а некои едноставно „некаде затурат“ слика вредна повеќе од десет милиони долари. То...
ВИДЕО: Монтажна куќа на копче сама се гради за 8 м... Инжинери дизајнираа монтажна куќа која на притисок на копче сама се изградува за осум минути и е една од многу монтажни објекти кои ги дизајнира брита...
Уметнички за Адидас дизајнирале 50 модели на патик... Адидас ангажирал 12 уметнички за да дизајнираат посебен вид Албатрос патики за секоја држава во САД. Уметничките биле избрани преку страницата Refiner...
Џони Деп платил 7.000 долари за кауч од шоуто на с... Компанијата „Менаџмент Груп“ (ТМГ), кој до неодамна се грижеше за финансиите на Џони Деп, го обвини актерот дела води расипнички живот и дека троши по...