Врховниот суд закажа седница за притворите на Едмонд Темелко и Владимир Талески

Врховниот суд закажа седница за притворите на Едмонд Темелко и Владимир Талески

За еден месец, или поточно на 19 јуни, Врховниот суд на седница ќе расправа за законитоста при определувањето притвор за градоначалникот на општина Пустец, Едмонд Темелко и за одлуката за притвор на градоначалникот на општина Битола, Владимир Талески, и двајцата осомничени од СЈО, објави Макфакс.

И покрај тоа што Врховен во февруари веќе донесе одлука за предметот со Темелко, таа одлука, како што рече претседателот на Врховниот суд, Јово Вангеловски, не била верифицирана и не влегла во АКМИС системот и оттука остава простор за судиите кои одлучувале, да побараат пререферирање на предметот, а потоа одлуката да биде верифицирана. Бранителите на Темелко, побрале судијката Лидија Неделкова да биде изземена, бидејќи постапувала пристрасно кога одлучувала, бидејќи нејзиниот син Давид Неделков наводно бил ангажиран од Специјалното јавно обвинителство. Едмонд Темелко, е еден од осомничените во првата и најобемна истрага што ја отвори СЈО според број на осомничени, „Титаник“, која се однесува на сомневања за изборни нерегуларности вршени во 2013 година.

Во барањето за заштита на законистоста, во вториот случај, ќе се преиспитува и одлуката за притворот на градоначалникот на општина Битола, Владимир Талески, поради донесената одлука во „непрописен совет“, односно поради тоа што судијата Јани Нича одлучувал во Кривичниот суд за предметот, а потоа станал судија во Апелација каде што повторно бил дел од судиите што одлучувал по предметот.

Битолскиот градоначалник е првоосомничен во случајот „Транспортер“, што го отвори Специјалното јавно обвинителство. Тој и уште 22 лица се товарат за злоупотреби и за малверзации со превозот на ученици во Битола, тешки 360.000 евра. Нему му беше одреден куќен притвор, а потоа по барање на СЈО двапати му беше продолжен притворот . Апелацискиот суд го одби барањето на СЈО на Талески третпат да му биде продолжен куќниот притвор за нови 30 дена и наместо оваа мерка, му наложи на битолскиот градоначалник двапати неделно да се јавува во суд. СЈО потоа ја обжали одлуката, Талески беше пуштен од куќен притвор.

Поврзани вести

Живаљевиќ: Влегов во Собранието со дозвола на сове... Поранешниот советник за безбедност во српската амбасада во Скопје, Горан Живаљевиќ, ги негира тврдењата на ВМРО-ДПМНЕ дека македонските институции не ...
Кабинет на Иванов: Македонските служби не побарале... Од Кабинетот на претседателот Ѓорге Иванов реагираат во врска со изјавата на српскиот разузнувач Горан Живаљевиќ, дадена за српската агенција Танјуг. ...
СДСМ: Хаос се случува само во главата на Никола Гр... Никола Груевски е човекот којшто им ги создаде најголеми проблеми на граѓаните и на Република Македонија. Откако ги осиромаши граѓаните, откако ја...
Почина новинарот Ѓорѓи Ристески-Џостер... Денеска во Скопје, на 57-годишна возраст ненадејно почина долгогодишниот новинар на „Вечер“ и „Експрес“, Ѓорѓи Ристески-Џостер. Кариерата ја започн...
Персоналот во српската Амбасада во Скопје се враќа... Персоналот на српската Амбасада утре ќе пристигне назад во Скопје. Ова, како што соопшти Министерството за надворешни работи, го информирал првиот зам...
ВМРО-ДПМНЕ: Никој не дал согласност за влез на Жив... „ВМРО-ДПМНЕ изразува загриженост за објавената, од страна на Република Србија, шпионска афера која има меѓународни димензии, имајќи предвид дека е меѓ...