Во Битола меѓународен научен симпозиум „Врските меѓу Македонија и Србија низ вековите и денес“

Во Битола меѓународен научен симпозиум „Врските меѓу Македонија и Србија низ вековите и денес“

Почесниот конзулат на Република Србија во Република Македонија со седиште во Битола, денеска и утре го организира седмиот Меѓународен научен симпозиум на тема „Врските меѓу Република Македонија и Република Србија низ вековите и денес“.

Годинава на симпозиумот со свои трудови пријавени се околу 100 учесници, претставници на академската заедница од двете држави, уметници и културни работници кои пишувале и истражувале на теми од областа на историјата и литературата.

На дводневниот научен симпозиум ќе бидат презентирани и трудовите „Македонија во интересната сфера во политиката на Србија, Бугарија и Турција непосредно пред Балканските војни“ од авторите Ѓорѓи Чакарјаневски и Тодор Чепреганов, „Француските интелектуалци за Македонија кон крајот на 18 и почетокот на 19 век“ од Александра Колаковиќ, „Улогата на македонските кадри при пристапувањето на СФРЈ во Советот на Европа“ од Ратомир Милкиќ.

Ќе бидат презентирани и трудовите „Битола во белградските дневни весници „Политика“ и „Време“ до почетокот на Втората светска војна“ од Арети Сидовска, „Српскиот печат за рефередумот за независност на СР Македонија 1991 година“ од Владимир Љ. Цветковиќ, „Белешките на Стојан Новаковиќ за Скопје во 1886 и 1905 година“ од Македонка Митрова, „Битола во времето на Балкнаксите војни според руското илустрирано списание „Искри“ од Билјана Р. Јосифовска, „Евакуација на населението во Битола во 1917-1918“ од Лилјана Гушевска и Вера Гошева, и други трудови…

На отворањето на меѓународниот научен симпозум, кој попладнево почнува во хотелот „Молика“ на Пелистер свои обраќања ќе имаат почесниот српски конзул Силјан Мицевски, амбасадорката на Србија во Република Македонија Душанка Дивјак Томиќ, претседателот на МАНУ академик Таки Фити, ректорот на УКЛО-Битола Сашо Коруновски, ректорот на универзитетот ЕСРА-Скопје Јордан Плевнеш и претседателот на Македонското научно друштво-Битола Марјан Танушевски.

Поврзани вести

Македонско културно лето 2017 во Мала Преспа... Со претставата „Маша и нејзината волшебна приказна“ на театарот Крик од Скопје, вечер во Мала Преспа, Република Албанија, почнува јубилејното 10. Маке...
„Градиме нови генерации“ – мото на јубилејни... Со дваесеттина настани, преку 40 учесници и петдневна програма под мотото „Градиме нови генерации“, денеска во Струга почнува јубилејното 5. издание н...
Скопје кандидат за „Европска престолнина на култур... Со изложби на фотографии и инсталации, како и со проекција на документарен филм, вечер во Младинскиот културен центар почнува проектот „Европска прест...
Почнува „Крушево етно град 2017“... Со формирање Поворка во Домот на културата во Крушево, вечер почнува годинашната манифестација „Крушево етно град“. Официјалното отворање ќе биде ...
Книжевен разговор со писателката Наида Мујкиќ... Издавачката куќа „Готен“ во соработка со Здружението за култура и развој на креативните индустрии „КУЛТ-ТРАНЗЕН“ од Струмица, денеска организра книжев...
Предавања и изложби по повод Светскиот ден на архе... По повод одбележување на светскиот ден на археологијата, Институтот за археолошки истражувања - Скопје ќе огранизира настан во НУ Археолошки музеј на ...