Бистрица Миркуловска добитничка на наградата „Даница Ручигај“

Бистрица Миркуловска добитничка на наградата „Даница Ручигај“

Поетесата Бистрица Миркуловска е добитничка на наградата „Даница Ручигај“ што ја доделува Друштвото на писателите на Македонија за најдобра стихозбирка од авторка, членка на македонската писателска асоцијација. Наградата на Бистрица Миркуловска и е доделена за стихозбирката „Фатаморгана“ објавена во издание на „Академски печат“ од Скопје. Признанието ќе биде врачено на манифестацијата „Празникот на липите“ што ќе се одржи во средината на јуни.

Селекторот за доделување на наградата „Даница Ручигај“, Мирјана Стојановска, претседателка на Клубот на писателките при ДПМ, во образложението на одлуката, меѓу другото, пишува: „Новата книга на Бистрица Миркуловска е резултат на нејзиното богато творечко искуство кое во тековите на современата македонска поезија во изминатите неколку децении остави свои препознатливи белези. Во наградената стихозбирка доаѓа до израз лирскиот пристап, со суптилни творелки трепети за смислата на постоењето, со изразито лични акценти, но во контекстот на размислувањата за универзалната човекова егзистенција. Книгата „Фатаморгана“ остава впечаток и со внатрешната структуираност на мотивско-тематски и стилско-ирзазен план како јасно заокружена творечка целина.“

Бистрица Миркуловска е доајенка на ДПМ. Родена е во 1930 година и е автор на повеќе од 20 стихозбирки. Покрај поезија, пишува и проза, литература за деца, а активно се занимава и со превод. Својот работен век го помина како професор по словенечки јазик на Филолошкиот факултет „Блаже Конески“ во Скопје. Член на ДПМ е од 1971 година.

Поврзани вести

Македонско културно лето 2017 во Мала Преспа... Со претставата „Маша и нејзината волшебна приказна“ на театарот Крик од Скопје, вечер во Мала Преспа, Република Албанија, почнува јубилејното 10. Маке...
„Градиме нови генерации“ – мото на јубилејни... Со дваесеттина настани, преку 40 учесници и петдневна програма под мотото „Градиме нови генерации“, денеска во Струга почнува јубилејното 5. издание н...
Скопје кандидат за „Европска престолнина на култур... Со изложби на фотографии и инсталации, како и со проекција на документарен филм, вечер во Младинскиот културен центар почнува проектот „Европска прест...
Почнува „Крушево етно град 2017“... Со формирање Поворка во Домот на културата во Крушево, вечер почнува годинашната манифестација „Крушево етно град“. Официјалното отворање ќе биде ...
Книжевен разговор со писателката Наида Мујкиќ... Издавачката куќа „Готен“ во соработка со Здружението за култура и развој на креативните индустрии „КУЛТ-ТРАНЗЕН“ од Струмица, денеска организра книжев...
Предавања и изложби по повод Светскиот ден на архе... По повод одбележување на светскиот ден на археологијата, Институтот за археолошки истражувања - Скопје ќе огранизира настан во НУ Археолошки музеј на ...