„Матурска парада“ на плоштад „Македонија“

„Матурска парада“ на плоштад „Македонија“

Традиционалната манифестација „Матурска парада 2017“ ќе се одржи денеска напладне на плоштадот „Македонија“.

На „Матурската парада“ традиционално учениците кои го завршуваат средното образование танцуваат квадрил. Годинава ќе танцуваат и матурантите од Струга, Охрид, Струмица и Гевгелија.

Се очекува учество на околу 1.000 матуранти од 16 средни училишта од Скопје и нивните врсници од Струга, Охрид, Струмица и Гевгелија или околу 2.000 ученици. Moмчињата ќе носат сини, а девојките жолти маички.

Официјалниот дел на програмата ќе почне во 11:40 часот со обраќање на претставник од Град Скопје, а потоа матурантите ќе ја кажат заклетвата за ненасилство. Точно напладне со посредство на Македонското радио – Радио Скопје ќе биде преземен сигналот од Радио Словенија од каде доаѓа музиката од Штраусовата опера „Лилјакот“, на која матурантите ќе го танцуваат квадрилот. По завршувањето на парадата ќе има честитка од Делегацијата на ЕУ во Скопје и кратка забавна програма со дел од учесниците во мјузиклот „Тајно моја“ во продукција на Македонската опера и балет.

Годинава, матурантите ќе танцуваат и салса на музиката „Shape of you“.

Покровители на „Матурската парада“ се Град Скопје и Делегацијата на Европската унија во Скопје.

Парадата на матурантите почна да се организира во 2001 година во Љубљана, а во Македонија првпат се одржа во 2007 година во Скопје и во Охрид во организација на Дирекцијата за култура и уметност на Скопје и Танцовиот спортски клуб „Ритам плус“ од Скопје.

Поврзани вести

Што ќе се случи ако Земјата почне побрзо да се врт... msn.com Во животот постојат доволно нешта за кои треба да сме загрижени. На пример, нуклеарна војна, климатски промени, и дали исправно или погрешн...
Кој е највисок на Балканот? Радио Слободна Европа – Прага Истражувањето кое е спроведено во рамки на проектот JoinEU-SEE за висината на мажите во светот, вклучувајќи и некои з...
Ајфеловата кула сака повеќе приходи… и помал... Легендарниот париски споменик, стар 128 години, не можи да прими повеќе од седум милиони туристи годишно, капацитетот е максимално искористен. За да с...
Копенхаген вложува 45 милиони долари за садење нов... Одборот за животна средина на градот Копенхаген одобри 300 милиони круни, односно 45 милиони долари за садење нови стебла во целиот град. Целта на ...
ФОТО: Семејна куќа со необичен дизајн... Во австралискиот град Мелбурн е изградена современа семејна куќа во викторијански стил, која со својот необичен дизјан воспоставува баланс меѓу индуст...
Бали и Ибица – најпопуларни дестинации за од... Бали и Ибица се најпопуларни дестинации за одмор оваа година, според податоците на TripAdvisor. Популарниот сајт ги подели дестинациите во две груп...