Ердоган: Не може да се укине вонредната состојба пред целосна нормализација на ситуацијата во Турција

Ердоган: Не може да се укине вонредната состојба пред целосна нормализација на ситуацијата во Турција

Турскиот претседател Реџеп Тајип Ердоган денска изјави дека не може да се укине вонредната состојба во Турција, пред земјата целосно да се доведе во нормала.

Вонредната состојба во Турција беше воведена по обидот за преврат во јули минатата година.

Како што јави агенцијата Анадолија, Ердоган денеска во Истанбул зборуваше на заседанието на Високиот консултативен совет на Здружението на турските индустријалци и бизнисмени, веднаш по неговото враќање од САД.

Претседателот во обраќањето се осврна на серија прашања, меѓу кои и за безбедносната ситуација во Турција и развојот на ситуацијата во Сирија.

– Не можеме да ја укинеме вонредната состојба, додека насекаде не се постигне мир и благосостојба, посочи Ердоган.

Тој, исто така, кажа дека некои региони во југоисточниот и источниот дел на земјата, каде со децении се активни бунтовниците од Курдската работничка партија (ПКК), „се уште се полни со оружје“.

– Во овој момент планините во југоисточна и источна Анадолија се полни со пештери на терористите, а подземјата на градовите се полни со оружје, рече Ердоган.

Тој посочи дека во САД рекол оти Турција не може да биде дел од операција за ослободување на сирискиот град Рака од Исламска држава, пред се, заради учеството во офанзивата врз градот на сириските курдски милиции – Силите за заштита на народот.

– Турција нема да се поколеба да преземе уште операции, како што беше кампањата „Еуфратски штит“ во северна Сирија, додаде Ердоган.

Тој уште нагласи дека во САД рекол и дека доколку неговата земја биде изложена на закана, таа ќе ги примени правилата за употреба на военна сила без да се консултира со никого.

Поврзани вести

Неофицијални резултати: Рама освои 76, Баша 41 и М... Левата калициија „За Албанија која ја сакаме“ предводена од социјалистите на Еди Рама е победник на вчерашните парламентарни избори во Албанија, потв...
Претседателот на Бугарија ја поддржа европската пе... Бугарскиот претседател Румен Радев изрази поддршка за пристапувањето на земјите од Западен Балкан во ЕУ доколку тие ги исполнуваат условите за членств...
Излезни анкети: Социјалистите на Рама победници на... Владејачката Социјалистичка партија на Албанија, на актуелниот премиер Еди Рама, е победник на парламентарните избори, покажуваат излезните анкети, сп...
Изборниот ден во Албанија продолжен за уште еден ч... Гласањето на парламентарни избори во Албанија продолжено е за еден час и гласачите своето право ќе можат да го искористат до 20 часот, објави „Албаниа...
ВИДЕО: Силно невреме во Словенија и Хрватска... Силниот ветер и дожд предизвикаа големи проблеми во Словенија и Хрватска. Невремето прво го погоди јужниот дел на Словенија, а потоа и останатите дело...
За Ердоган измама се ветувањата за оружјето достав... Турскиот претседател Реџеп Таип Ердоган го нарече денеска „измама" американското ветување дека оружјето, кои беше испратено на сириските курдски Сили ...