СКСЗМ отвора бизнис ХАБ за поддршка на претпримачки идеи

СКСЗМ отвора бизнис ХАБ за поддршка на претпримачки идеи

топанската комора на северозападна Македонија (СКСЗМ) денеска промовираше бизнис ХАБ во кој ќе се нудат услуги и стручна поддршка за реализирање бизнис идеи на млади, жени претприемачи и жени од помалку развиените региони во Македонија. Целта е да се намали невработеноста и да се обезбеди нивна финансиска независност.

Предвиденон е Create Hub да понуди работен простор во цела Македонија, консултации со стручни лица, обуки и сeминари, менторство, вмрежување и олеснет пристап до алтернативни извори на финансирање.

Според Фатмир Битиќи, извршен директор на Стопанската комора на северозападна Македонија, новиот бизнис простор ќе овозможи услови и алатки за едукација и вмрежување на младите претпримачи, развој на иновациите и зајакнување на бизнисите.

– Тоа ќе биде место во кое ќе одговориме на проблемите што со години сме ги разговарале за нерамномерен регионален развој, со зголемување на невработеноста, со миграција на младите и со неможноста младите воопшто да се занимаваат со бизнис и да ја креираат својата иднина. Мораме да креираме простор на сите оние кои се уште веруваат дека нивната иднина е во бизнисот а не во јавната администрација и во другите сектори, да ги покажат своите идеи, а ние да им помогнеме за да растеме заеднички и да ги изнесеме на пазарот во Македонија и надвор, изјави Битиќи.

Отворањето на бизнис просторот е поддржано од Програмата за зголемување на пазарната вработливост (ИМЕ) на Швајцарската агенција за развој и соработка (SDC) имплементирана од Свисконтакт и локалниот партнер ПРЕДА плус.

– Се надеваме дека Create Hub со услугите и менторството ќе обезбеди адекватна поддршка на идеите, талентите и иновациите, изјави Марјан Степановски, директор на Фондацијата за одржлив економски развој ПРЕДА Плус.

Ќе се овозможат, појасни Степановски, први релации на новите бизниси и нивен пристап на пазарот во сегментот на развивање на нови продукти, дизајн, информатички технологии, како продукти и услуги во тој сегмент кои ќе може да бидат од помош за раст и развој на компаниите членки на Комората и на новите бизниси, но и генерирање приход токму на младите професионалнци, жените и на самите старт-ап и мали и средни претпријатија.

Стефан Томаџан, заменик-шеф на мисијата на швајцарската Амбасадата во државава истакна дека Швајцарија е силно посветена на поддршка на претприемништвото во Македонија, каде, како што потенцира, има голема претприемничка енергија – Убеден сум дека ако ја добијат соовдветната поддршка можат да станат двигатели на економијата, рече Томаџан.

Поврзани вести

Трамп: Амазон им прави голема штета на продавачите... Американскиот претседател Доналд Трамп повторно денеска го нападна гигантот во електронската трговија Амазон, чиј сопственик Џеф Безос го поседува и в...
ВМРО-ДПМНЕ: Наместо законските 5 отсто, СДСМ плани... Марија Којзеклиска од ВМРО-ДПМНЕ денеска одржа прес-конференција на која што рече дека СДСМ го укинува најавеното и планираното покачување на пензиите...
Делев: Владата на СДСМ секој ден ја задолжува држа... Христијан Делев од ВМРО-ДПМНЕ денеска во изјава за медиумите рече дека Владата на СДСМ безмислосно ја туркала државата во долгови. - Македонската ј...
Американците со рекордно ниво на задолженост од 12... Задолженоста на Американците во вториот квартал од годината се искачи на рекордно ниво од речиси 12.500 милијарди долари благодарение на умерениот рас...
СДСМ: Лажните вести на ВМРО-ДПМНЕ нема да го сокри... „Преку одговорното и транспарененто работење, Владата предводена од СДСМ го исплати долгот кон Дојче Банка во висина од 77,3 милиони евра, а јавниот д...
Слаба реализацијата на проектите за самовработувањ... Мала е реализацијата на Проектот со кој се предвидени мерките за самовработување со кредитирање, за кредитирање правни субјекти за отворање нови работ...