Рецитал на сопранот Ѓиновска Илкова на Мајски оперски вечери

Рецитал на сопранот Ѓиновска Илкова на Мајски оперски вечери

Сопранот Весна Ѓиновска – Илкова и пијанистката Кристина Светиева во рамки на програмата на јубилејните 45-ти „Мајски оперски вечери“ вечер со почеток во 20 часот во Македонската опера и балет ќе одржат рецитал.

Режисер е Дејан Прошев, а на програмата се дела од Чајковски, Рахмањинов, Форе, Пуланк, Лист, Штраус, Чилеа, Верди. Гостин на концертот е виолинистот Горан Муратовски.

Весна Ѓиновска Илкова е водечки оперски драмски сопран во Македонија, певица со софистицирано пијано, беспрекорна вокална техника, огромна музикалност, харизма и силно сценско присуство. Нејзиното деби на сцената на Македонската опера и балет е во 1996 година во улогата на Михаела во „Кармен“, а на меѓународната сцена дебитира во 2001-та во Националната опера на Софија во комплексната улога на Елизабета во „Дон Карло“ од Верди.

Ѓиновска Илкова ужива богата домашна и меѓународна кариера. Досега настапувала во Данска, Хрватска, Словенија, Бугарија во постановките на „Аида“, „Отело“, „Турандот“, „Мадам Батерфлај“, „Симон Боканегра“, „Атила“, „Моќта на судбината“, „Бал под маски“, „Лидија од Македонија“… Освен на оперската, редовно е присутна и на концертната сцена, и е добитничка на голем број значајни награди и признанија.

Кристина Светиева се вбројува меѓу талентираните млади македонски пијанисти. Победничка е на бројни домашни и меѓународни натпревари. Настапувала на концертните и фестивалските подиуми во Турција, Бугарија, Холандија, Кипар, Хрватска, Шведска, Италија, Франција, Чешка, САД. Повеќепати настапила како солист со Македонската филхармонија. Првиот концертен настап го реализирала на шестгодишна возраст. Дипломирала cum laude (класа на Тодор Светиев) и магистрира cum laude на ФМУ во Скопје, под менторство на Жени Захариева, која е ментор и на нејзиниот докторат по музичка уметност со кој се стекнала во 2014 година.

Поврзани вести

Настап на фолклорните групи при ДКЦ „Карпош“ на фе... Неколку фолклорни состави при Детскиот културен центар „Карпош“ зедоа учество на Меѓународниот фолклорен фестивал кои што се одржа во градчето Калела ...
Објавен расказ на Томислав Османли во српското спи... Расказот „Смислата“ на современиот македонски прозаист Томислав Османли деновиве го објави списанието „Sent“ во Нови Пазар. Станува збор за реномир...
Почнува 13. Меѓународен филмски фестивал „Астерфес... Со доделување на наградите на годинашните лауреати Џеки Шепард и Коле Ангеловски, вечер во 19:30 часот во Центарот за култура „Антон Панов“ во Струмиц...
Рецитал на Дани Жоговска во Музеј на Град Скопје... Младата пијанистка Дани Жоговска на 27. јуни ќе одржи концерт во Музеј на Град Скопје. На програмата ќе се најдат дела од Бах, Бетовен, Глинка/Бал...
Руска алтернативна монодрама вечер на „Битола Шекс... Монодрамата „Сонот на Хамлет“ на Академскиот драмски театар од рускиот град Владимир вечер во Народниот театар во Битола ќе биде изведена во рамки на ...
Концерт на ансамблот „Орце Николов“ на Скопско лет... Во рамки на Скопско лето 2017, вечерва концерт „Фолклорот носи само едно име“ ќе одржи ансамблот за народни игри и песни „Орце Николов“. Концертот ...