(ВИДЕО) Стериовска од „Шарена револуција“: Очекуваме да владеат принципи, а не луѓе во Македонија

(ВИДЕО) Стериовска од „Шарена револуција“: Очекуваме да владеат принципи, а не луѓе во Македонија

Сите денови на улиците доведоа до остварување на целта-можност за демократско општество во кое ќе владее правото. Зачетниците на „Шарената револуција“ кои излегоа пред владата, точно на две години од најмасовниот протест, потсетуваат дека очекуваат да се остварат нивните идеи за подобро општество за сите и владеење на правото.

Режисерката Ирена Стериовска, граѓански активист и еден од симболите на „Шарената револуција“ се надева дека врз принципите на револуцијата ќе се изгради подобро општество.

-Шарена револуција е нешто што се случи, и нешто што откако се случи постојано се случува. Јас ја нарекувам револуција на состојба на умот, каде луѓето ги искинаа синџирите и го победија стравот. Со Шарената револуција се креираше една идеја за свет и држава каде правдата и шаренилото се добра основа да се изгради либерално општество кое ќе биде добра основа за сите нас.

Според неа, до целта се стигна не само благодарение на „Шарената револуција“ туку со многу сегменти.

-Колку сме направиле во оваа битка? Нема само еден сегмент кој допринел ова се се случи, треба да се даде големо значење на сите чинители кои во јавниот живот помогнаа да продре идејата за слободна Македонија, се надевам дека ова е добар почеток за сите нас.

Таа вели дека „Шарените“ ниту сега не се откажуваат од она за што се бореле.

-Самата „Шарена револуција“, не се бориме за човек, ниту за замена на места, иако не мислам дека сега се работи за чиста замена на места. Но, се надеваме дека ќе владеат принципи, а не луѓе во Македонија. Тие доаѓаат и заминуваат. Се надеваме дека ќе владеат идеи, најдобро ќе биде да дојдеме до ситуција кога нема да биде битно кој е на власт, туку ако бидеме држава која ги почитува правните принципи, рече Стериовска.

Поврзани вести

Иванов на инагурацијата на Вучиќ... Претседателот на Република Македонија, Ѓорге Иванов, вечерва во Белград присуствуваше на свечениот прием по повод инаугурацијата на претседателот на ...
Тешко повредена кавадарчанка откако автомобил удри... Со тешки телесни повреди се здобила вечерва кавадарчанка, родена 1959 година, откако автомобил удрил во неа во новиот центар на Кавадарци, во близина ...
Во Гевгелија и во Демир Капија измерени 38 степени... Највисока температура денеска е измерена во Гевгелија и Демир Капија 38 степени, во Струмица 36, во Скопје на Зајчев Рид и во Штип 35, во Скопје Петро...
Средба Џафери-Бренде: Поддршка за реформските проц... Претседателот на Собранието на Република Македонија Талат Џафери, денеска имаше средба со министерот за надворешни работи на Кралството Норвешка, Борг...
Утре ќе биде сончево и топло, УВ-индексот ќе има в... Времето утре во Македонија ќе биде сончево и многу топло, со мала до умерена облачност. Попладне ќе има локален развој на нестабилна облачност со поро...
Османи-Пломп: Холандија отсекогаш била еден од нај... Заменик претседателот на Владата задолжен за европски прашања Бујар Османи денеска оствари средба со амбасадорот на Кралството Холандија, Валтер Пломп...