(ВИДЕО) Сејдиу: Реизбор на судиите за да нема луѓе кои судат врз етничка и верска основа

(ВИДЕО) Сејдиу: Реизбор на судиите за да нема луѓе кои судат врз етничка и верска основа

Движењето Беса го поддржува чекорот на лидерот на СДСМ, Зоран Заев, за распуштање на судството и реизбор на судиите како приоритетна задача на новата влада.

-Движењето Беса смета дека на овој неправеден систем му треба итно и целосно редефинирање за да се врати професионалноста и да се стават во одредени позиции соодветни луѓе кои нема да судат врз етничка и верска основа, изјави Блерим Сејдиу, одговорен за правни прашања во партијата.

Како што кажа тој, итна е потребата од формирање систем кој ќе воспостави современи стандарди во администрацијата на правдата со што ќе се искорени комунистичкиот менталитет на функционирање на поранешната Југославија во однос на Албанците.

– Како е можно еден млад човек во контролиран протест само затоа што ги скршил прозорците на судот за да искаже револт кон неправедните одлуки во монтираните политички случаи да биде осуден на три години затвор, додека од друга страна насилниците на пратениците во случајот на 27 април се оставени на домашен притвор или не се осудени со никаква прелиминарна истражна мерка, вели Сејдиу.

Според него, промените во судовите и Јавното обвинителство се едни од главните столбови кои бараат итна интервенција за точно и прецизно дефинирање за да може во иднина да се произведат праведни одлуки без влијание на политиката и партиските преференци.

Во врска со изборот на Талат Џафери за нов претседател на Собранието, Беса смета дека тој е избран легитимно, но сепак остануваат на негативните ставови кои ги имаат кон Џафери како личност.

-Со самото пристуство на нашите пратеници во Собранието на Република Македонија ние го сметаме за легитимен претседателот на Собранието, нашите досегашни ставови беа конкретно за лицето Талат Џафери, не за позицијата Албанец да биде претседател на Собранието, рече Сејдиу.

Виктор Јованов

Поврзани вести

Живаљевиќ: Влегов во Собранието со дозвола на сове... Поранешниот советник за безбедност во српската амбасада во Скопје, Горан Живаљевиќ, ги негира тврдењата на ВМРО-ДПМНЕ дека македонските институции не ...
Кабинет на Иванов: Македонските служби не побарале... Од Кабинетот на претседателот Ѓорге Иванов реагираат во врска со изјавата на српскиот разузнувач Горан Живаљевиќ, дадена за српската агенција Танјуг. ...
СДСМ: Хаос се случува само во главата на Никола Гр... Никола Груевски е човекот којшто им ги создаде најголеми проблеми на граѓаните и на Република Македонија. Откако ги осиромаши граѓаните, откако ја...
Почина новинарот Ѓорѓи Ристески-Џостер... Денеска во Скопје, на 57-годишна возраст ненадејно почина долгогодишниот новинар на „Вечер“ и „Експрес“, Ѓорѓи Ристески-Џостер. Кариерата ја започн...
Персоналот во српската Амбасада во Скопје се враќа... Персоналот на српската Амбасада утре ќе пристигне назад во Скопје. Ова, како што соопшти Министерството за надворешни работи, го информирал првиот зам...
ВМРО-ДПМНЕ: Никој не дал согласност за влез на Жив... „ВМРО-ДПМНЕ изразува загриженост за објавената, од страна на Република Србија, шпионска афера која има меѓународни димензии, имајќи предвид дека е меѓ...