Премиерот на Малта под притисок да се повлече поради Панамските досиеја

Премиерот на Малта под притисок да се повлече поради Панамските досиеја

Малтешката опозиција го повика премиерот на Малта Џоузеф Мускат да поднесе оставка, еден ден откако во јавноста се појавија тврдења за корупција, што го засегаат неговото семејство.

Сајмон Бусутил, лидерот на десноцентристичката „Националистичка партија“, изјави на прес-конференција, дека Малта, што во моментов е ротационен претседавач на ЕУ, е исправена пред „невидена политичка и уставна криза“.

Тој го зајакна притисокот кон малтешкиот премиер и ги повика избирачите да излезат в недела во Валета на национален протест против корупцијата.

Мускат беше нападнат откако популарната блогерка Дафне Карауана Галиција, излезе со тврдење дека компанијата што се наведува во панамските досиеја под името „Ергант“, е сопственост на Мишел Мускат, сопругата на премиерот.

Според блогерката, сопругата на Мускат добивала пари од ќерката на азербејџанскиот претседател преку компанијата „Мосак Фонсека“, правна фирма, што се најде во центоарот на скандалот со панамските досиеја.

Малтешкиот премиер објави дека не е направена проверка за изнесените информации, но според Бусутил, Мускат прво треба да поднесе оставка.

На денешната прес-конференција Мускат ги нарече „чиста лага“ тврдењата дека неговата сопруга поседува некаква панамска компанија, наведувајќи дека тој и неговото семјество се жртви на обид за манипулација.

Малтешкиот премиер го повика лидерот на опозицијата на телевизиска дебата, што ќе се одржи вечерва, а Бусутил го прифати неговиот предлог.

Малтешката Влада беше погодена од скандалот со панамските документи во 2016 година откако стана јасно дека министерот Конрад Мици и началникот на полицискиот кабинет на премиерот Кијт Шембри формирале нивни тајни компании во Панама, забележа ДПА.

Поврзани вести

Антипопулистичкиот популист на Франција... Проџект синдикејт - Прага Демократите од секој вид славеа кога стана јасно дека проевропскиот центрист Емануел Макрон, а не лидерката на крајнодесн...
Намалена предноста на конзервативците на Меј над л... За шест отсто е намалено водството на Конзервативната партија на британската премиерка Тереза Меј над опозициската Лабуристичка партија во пресрет на ...
Во судири меѓу либиските милиции загинаа 78 лица, ... Во вчерашните судири меѓу либиските милиции во Триполи најмалку 78 лица загинаа и над 1.000 се повредени, соопштија денеска локалните здравствени влас...
Макрон го повика Трамп да него напушта Парискиот д... По завршувањето на самитот на Г-7 во Таормина, францускиот претседател Емануел Макрон, најде избрани зборови за Доналд Трамп, и покрај тоа што америка...
Бела куќа: Трамп останува посветен на принципот за... Американскиот претседател, Доналд Трамп, останува ангажиран во почитувањето на член 5 од Договора за НАТО, денеска пред медиумите изјави советникот за...
Ирачката полиција им забрани на жените од Мосул да... Полицијата во ирачкиот град Мосул денеска на жените од градот им забрани да носат „никаб“, покривката за целото лице на жената, и тоа во реоните ослоб...