(ВИДЕО) Илиевски-Дамовски: Итна собраниска седница со една точка, распишување на предвремени избори

(ВИДЕО) Илиевски-Дамовски: Итна собраниска седница со една точка, распишување на предвремени избори

Здружението „За заедничка Македонија“ на денешниот протест го презентираа т.н. Македонски народен документ со кој бараат свикување на итна собраниска седница со една точка на дневен ред, а тоа е распишување на предвремени парламентарни избори во Македонија.

– Бараме предвремени парламентарни избори, избори на кои народот ќе ја отфрли во целост тиранската платформа направена во друга држава под покровителство на премиер на друга држава. Од денес па натаму избори се основното барање на граѓанската иницијатива за заедничка Македонија, рече Борис Дамовски.

Како што велат од здружението, тие се убедени дека изборите се најдоброто можно решение за дефинитивен крај на политичката и институционалната криза во Република Македонија. Ваквите ставови на здружението коинцидираат со секојдневните излегувања на пратениците на ВМРО-ДПМНЕ на собраниската говорница каде повикуваат исто така на нови избори.

Според нив, до постигнување на крајната цел односно нови парламентарни избори во Македонија ќе дојдат со прецизни активности и добра стратегија која сепак нема да ја откријат пред јавноста.

-Имаме предвидено прецизни активности со кои ќе стигнеме до реализација на оваа цел. Бараме свикување на итна собраниска седница со една точка на дневен ред, распишување на предвремени парламентарни избори во Република Македонија. Стратегијата не ја откриваме во целост, но стратегија имаме. Исто како и оперативни, технички и тактички можности за таа стратегија да ја оствариме без разлика на противникот во земјата, вели дуото Илиевски – Дамовски, предводници на здружението „За заедничка Македонија“

Виктор Јованов

Поврзани вести

АЕК не дава веќе пари за Панорамското тркало... Агенцијата за електронски комуникации – финансиер на Панорамското тркало годинава нема да донира пари на сметката на ЈСП за изградбата на овој проект....
Предавања и изложби по повод Светскиот ден на архе... По повод одбележување на светскиот ден на археологијата, Институтот за археолошки истражувања - Скопје ќе огранизира настан во НУ Археолошки музеј на ...
Жбогар: Очекувам поддршка од сите партии за законо... Евроамбасадорот Самуел Жбогар при денешната посета на Струга изрази оптимизам во однос на имплементацијата на реформскиот владин план. Тој порача дека...
Тозија доаѓа на чело на најбогатата културна инсти... Во подготовката е менаџерска промена во најзначајната институција за домашната кинематографија- Агенцијата за филм, за која ќе се одлучува на следната...
Иванов ја повика Владата јавно да го објави догово... Претседателот на Република Македонија, Ѓорге Иванов, ја повика Владата да го објави и образложи текстот на договорот за добрососедство со Бугарија пре...
Нов земјотрес во Охрид со јачина од 3.1 степен... Нов земјотрес со јачина од 3.1 степени во 19.11 минути беше почувствуван во охридскиот регион. Епицентарот на земјотресот бил на 4 километри од Охрид ...