Хан: Доколку ЕУ се двоуми со Балканот, други ќе преземат ангажмани

Хан: Доколку ЕУ се двоуми со Балканот, други ќе преземат ангажмани

Еврокомесарот за проширување и соседска политика, Јоханес Хан, предупреди дека доколку Европската Унија се двоуми во својата посветеност кон Балканот, некој друг може да се „ангажира“ во овој регион.

– Како што знаеме, политиката се гнаси од вакуум. Ако се колебаме во својата посветеност кон Балканот, некој друг може да се ангажира и тој некој веќе се обидува, рече Хан на Универзитетот Принстон.

Според него, проширувањето на ЕУ, со сите услови и критериуми, „е најдобрата безбедносна политика“ што Унијата кога било ја имала, но таа не е „бесплатен ручек“, пренесе Танјуг.

– Само локалните лидери можат да ја средат работата и да и ја претстават на своите граѓани. Тие мораат да ја преземат одговорноста и да градат врз веќе постигнатиот напредок, нагласи тој.

Мораме да видиме политичка волја место политички игри, и вистинско спроведување на реформите, не на хартија, туку на терен, особено во клучните области од владеењето на правото, конкурентноста и поврзувањето. Тоа може да ги загрози деловните модели на поединци, но стратешки, не постои алтернатива. Нивните граѓани тоа го знаат“, порача Хан.

Хан заклучи дека Унијата е „далеку најдобрата игра во градот“, но нагласи дека сите мораат да бидат подготвени да ја играат.

– Мораме да бидеме подобри и поцврсти во користењето на нашата мека моќ на привлекување. Не смееме да ја земеме здраво за готово. Европската гравитација може да биде сила на природата, но мора интелигентно да биде распоредена“, порача Хан.

Поврзани вести

„Хуриет“: ЕУ на Турција и понудила нова 12-месечна... Турскиот претседател Реџеп Тајип Ердоган соопшти дека Европската Унија на Турција и доставила нова 12-месечна програма за обновување на односите, прен...
Осум загинати во сообраќајка на патнички автобус к... Патнички автобус, движејќи се по редовната рута Кастамону-Анкара, утринава се превртел на патот, во близина на Калеџик. Според податоците на локалн...
Тачи: Верувам во демократски, модерни и европски и... Косовскот претседател Хашим Тачи се надева дека предвремените парламентарни избори во неговата земја, закажани за 11 јуни, ќе бидат фер, демократски, ...
Инџирлик – стратешки важна и спорна база... Дојче веле - Бон Турската воена база Инџирлик има долга историја, од бази против советската експанзија, до бази за борба против Исламската држава, ...
Албанија му враќа на Бразил 26 тони месо поради са... Албанската Национална комисија за храна соопшти дека ја враќа пратката со месо во Бразил, откако при проверките било утврдено присуство на високо ниво...
Грција се надева на уште една рекордна година за т... ДПА - Хамбург Рекордниот број туристички посети во 2016 година не беа доволни за да ги компензираат проблемите и економските мерки во Грција, но си...