Аргентина верува дека Брегзит ќе значи крај на поддршката на ЕУ за Фокландите

Аргентина верува дека Брегзит ќе значи крај на поддршката на ЕУ за Фокландите

Аргентинскиот министер за надворешни работи Сузана Малкора изјави во Брисел дека официјален Буенос Аирес „внимателно ги следи настаните околу Брегзит“ затоа што верува дека британскиот Брегзит ќе значи крај за европската поддршка на позицииите на Лондон околу Малвинските (Фокландските) острови.

Малкора, која престојува во седиштето на ЕУ, за трговските преговори на Аргентина и Европската Унија, рече дека сепак сега е прерано да се дава проценка околу тоа, како натаму ќе се развиаат работите.

– Ние во Аргентина ги следиме сите случувања околу постапката за Брегзит, но рано е да се тврди дека потоа ќе омекне позицијата на ЕУ кон овие спорни острови во Јужниот Атлантик, изјави Малкора.

Нејзината изјава е поумерена од настапите на претходната влада на популистичкиот претседател, Кристина Фернандез де Кирхнер и на нејзините министри кои спорот околу суверенитетот на малку населениот архипелаг, што потекнува уште од 18 век, го поставија како „витално прашање# за аргентинско-британските односи, претворајќи го во меѓународна тема во која ги вклучија повеќето од латиноамериканските држави.

Владата на новиот претседател Маурисио Макри, кој е 16 месеци на функцијата, со изјавата на својата министерка покажува дека не го заборава прашањето на „спорните острови# но настојува да ги задуши распалените национални страсти во аргентинската политичка јавност, во обидот да се изнајде взаемно прифатливо решение.

Повеќе од 250 години, Британија ги има под контрола овие острови кои сега се британска прекуморска територија. Во април 1982 година, по инвазијата на аргентинската армија, се разви 70 дневна војна меѓу Аргентина и Британија која заврши со повлекување на Аргентинците и со безмалку илјада загубени животи и на двете страни.

Претставник на ЕУ одби денеска да коментира дали Брисел ќе ја смени позицијата кон Фокландите по Брегзит, без разлика што досега, од фондовите на Унијата се финансираше побрзиот развој на овие острови кои биле третирани како британска територија.

Отворањето на „фокландското прашање“ во Брисел, доаѓа само две недели по британско-шпанската бурна расправија околу Гибралтар, британска прекуморска територија на Пиринејскиот Полуостров, откако Мадрид побара од ЕУ , да има право на вето на одлуките за оваа територија, кога Британците ќе се повлечат од Унијата.

Поврзани вести

Египетската армија ликвидирала 40 членови на ИСИС... Египетските вооружени сили за време на долгата безбедносна операција на Синајскиот Полуостров, каде што членовите на вооружената група Исламска држава...
Тринаесет мигранти се удавија откако им се преврте... Тринаесет мигранти се удавија во Средоземното море, откако се превртел чамецот во кој се наоѓале. Меѓу загинатите има бремени жени и деца. Шпанската с...
Могерини: Турција и натаму е кандидат за членство ... Турција останува кандидат за членство во ЕУ, наспроти длабоката загриженост поради состојбата во таа земја во поглед на човековите права и владините п...
Австралиски министер поднесе оставка, незнаел дека... Министерот на Австралија, Мет Канаван, поднесе оставка бидејќи неговата мајка го информирала дека можеби има италијанско државјанство, поради што не м...
Доналд Трамп се подготвува да го смени Џеф Сешенс... Американскиот претседател Доналд Трамп се подготвува да го смени државниот обвинител Џеф Сешенс и за тоа веќе разговарал со своите најблиски советници...
„Блиска средба“ на кинески борбени авиони и америк... Два борбени кинески авиони пресретнале американски авион за надгледување, во реонот на Источното Кинеско Море, по што тој се повлекол, соопшти денеска...