Меркел ги губи потенцијалните партнери за централно – десничарска влада

Меркел ги губи потенцијалните партнери за централно – десничарска влада

Германската партија „Слободни Демократи“ (ФДП) ја отфрла можноста да биде дел од каква било владина коалиција која што без соработка со Меѓународниот Монетарен фонд (ММФ) ќе продолжи финансиски да поддржува членки на Еврозоната кои што се соочуваат со банкрот.

Лидерот на ФДП Кристијан Линднер денеска се спротивстави на министерот за финансии Волфганг Шојбле кој предходно изјави дека новата програма за спас на проблематичните членки на ЕУ не треба да го вклучува ММФ туку да биде европски проект, јавуваат германските медиуми.

Линднер ја обвинува канцеларката Меркел дека целосно ја менува политиката за спас на земјите членки кои што имаат проблем со ликвидноста и се спротивставува на идејата на Шојбле за претворање на „Европскиот механизам за стабилност“ во „Европски Монетарен Фонд“ односно пандан на ММФ.

„ФДП нема да поддржи таква политика. За нас е апсолутен предуслов идниот пакет за помош во Европа да се базира на независна експертиза и капиталот на ММФ како институционален дел од програмата за спас“, смета Лиднер, пренесува дописникот на МИА од Берлин.

Либералната бизнис ориентирана ФДП традиционално е дел од централно – десничарската коалиција во која влегуваат ЦДУ на Меркел и баварската ЦСУ а за последен пат таква влада ја водеше Германија од 2009 до 2013 година.

Со овие позиции на ФДП дури и заедно со ЦДУ/ЦСУ да дојдат до 50 % поддршка кај електоратот тешко може да се очекува алтернатива за сегашната голема коалиција составена од Христијанските демократи на Меркел и Социјалдемократите. ФДП (6,5 %) заедно со ЦДУ/ЦСУ (36 %) сега има околу 43 % поддршка во јавноста.

Поврзани вести

Мајкл Флин планира да се повика на уставното право... Поранешниот советник на американскиот претседател Доналд Трамп за национална безбедност, Мајкл Флин во текот на сенатската истрага за неговите врски с...
Во Палермо убиен поранешен шеф на сицилијанската м... Поранешниот шеф на мафијата Џузепе Даиноти бил убиен со истрел во главата на улица во сицилијанскиот град Палермо. Сега 67-годишниот Даиноти, пред ...
ВИДЕО: Трамп стана прв претседател на САД што го п... Шефот на американската држава Доналд Трамп денеска го посети Ѕидот на плачот, со што стана првиот актуелен претседател на САД, кој ја посетил оваа вер...
За следната недела најавена средба Макрон-Путин во... Францускиот претседател Емануел Макрон на 29 мај во замокот Версај ќе го прими шефот на руската држава Владимир Путин, соопшти денеска Елисејската пал...
Египетски џихадисти обвинети за нападите врз коптс... Египетското Јавно обвинителство соопшти дека 48 чланови на џихадистичката група Исламска држава (ИД) се предадени на воениот суд, под обвинение за пов...
Анкара: САД да ја осудат „агресијата“ врз обезбеду... Турција денеска побара од американскиот амбасадор во Анкара САД да ги осудат „агресивните и непрофесионални дејствија“ од страна на американските безб...