Црногорско МНР: Обвиненијата на Москва се дел од „специјалната медиумска војна“

Црногорско МНР: Обвиненијата на Москва се дел од „специјалната медиумска војна“

Црногорското Министерство за надвореши работи ги отфрли како неосновани обвиненијата на портпаролката на руското Министерство за надворешни работи Марија Захарова за „антируската хистерија“ во Црна Гора.

Во Црна Гора не е регистриран ниту еден случај во кој руски бизнисмен или турист имал каква било непријатност, ниту пак во земјата постои какво и да е непријателско расположение кон рускиот народ. За тоа можат да сведочат илјадниците Руси кои се наоѓаат во Црна Гора, стои во соопштението.

Црногорското Министерство оценува дека тврдењата на Захарова се продолжение на „специјалната медиумска војна“ на Москва против Подгорица со познатиот мотив, против членството на Црна Гора во НАТО.

Синоќа, портпаролката на руското Министерство за надворешни работи Марија Захарова изјави дека Русија не ја исклучува можноста за провокации против руските граѓани во Црна Гора, вклучувајќи и приведувања врз основа на сомнителни мотиви и нивно предавање на трети земји.

– Во Црна Гора очигледно се создаде неповолна ситуација за Русите. При наглото влошување на билатералните односи, што беше испровоцирано од Подогорица, претстојното пристапување на Црна Гора во НАТО, одлуката на црногорските власти за целосно прифаќање на санкциите на ЕУ против Русија, забележуваме раст на антируското расположение. Согледуваме зајакнување на негативниот однос кон рускиот бизнис и кон нашите сограѓани. Не ја исклучуваме можноста за провокации, апсења врз основа на сомнителни мотиви и предавање на руски државјани во трети земји, главно во САД, истакна Захарова.

Таа нагласи дека поттикнувањето на русофобијата не е карактеристично за Црногорците и целосно лежи на совеста на политичарите во земјата.

Поврзани вести

Неофицијални резултати: Рама освои 76, Баша 41 и М... Левата калициија „За Албанија која ја сакаме“ предводена од социјалистите на Еди Рама е победник на вчерашните парламентарни избори во Албанија, потв...
Претседателот на Бугарија ја поддржа европската пе... Бугарскиот претседател Румен Радев изрази поддршка за пристапувањето на земјите од Западен Балкан во ЕУ доколку тие ги исполнуваат условите за членств...
Излезни анкети: Социјалистите на Рама победници на... Владејачката Социјалистичка партија на Албанија, на актуелниот премиер Еди Рама, е победник на парламентарните избори, покажуваат излезните анкети, сп...
Изборниот ден во Албанија продолжен за уште еден ч... Гласањето на парламентарни избори во Албанија продолжено е за еден час и гласачите своето право ќе можат да го искористат до 20 часот, објави „Албаниа...
ВИДЕО: Силно невреме во Словенија и Хрватска... Силниот ветер и дожд предизвикаа големи проблеми во Словенија и Хрватска. Невремето прво го погоди јужниот дел на Словенија, а потоа и останатите дело...
За Ердоган измама се ветувањата за оружјето достав... Турскиот претседател Реџеп Таип Ердоган го нарече денеска „измама" американското ветување дека оружјето, кои беше испратено на сириските курдски Сили ...