Кампања „НЕ за селфи на воз-вреди да живееш“

Кампања „НЕ за селфи на воз-вреди да живееш“

Преку кампања „НЕ за селфи на воз – Вреди да живееш” МЖ Транспорт ад Скопје ќе ги едуци основците и средношколците во Скопје за ризиците од фотографирање на вагоните во депото на МЖ Транспорт, по неодамнешниот случај во кој од струен удар загина 15-годишно момче.

Кампањата почна денеска во државното средно училиште „Владо Тасевски“ каде на учениците им беа поделени и претставени флаери и видео презентации со пораки „спречи го твојот другар да се докажува“ и 25 KV = na 25.000 V или 5.000 пати повеќе за да го наполните вашиот мобилен телефон“. Подготвени се тимови кои ќе ги посетат сите основни и средни училишта во Скопје и ќе укажуваат на опасностите од електричната инсталација кај возовите.

– Ќе делуваме едукативно кон младите луѓе да го користат возот како превозно средство, а не за качување на крововите и правење фотографии. Имаме многу поубави места за фотографии во возот и во Македонија каде можеме да отидеме со воз, да излеземе надвор и да направиме фотографии, рече Игор Коруноски, директор на МЖ Транспорт.

Апелира до младите да бидат внимателни и одговорни, а родителите да им укажат дека вагоните и возовите во депоата на МЖ и во кругот на станичните места се места над кои поминува електрична мрежа под висок напон од 25.000 волти. Ризично е и може да биде фатално, како што нагласи, да се виде близу и на еден или еден и пол метар до инсталацијата.

– Ги правиме сите напори да ги информираме луѓето да не се движат во тој простор, кој за таа цел е ограден и се поставени табли дека е забрането движење. Исто така на вагоните се поставени табли на кои е означено место со висок напон, а и столбовите на кои е електричната инсталација има посебно посебни ознаки, наведе Коруноски.

ДСУ „Владо Тасевски“, според директорката Биљана Глигорова, задно со други институции води голема грижа да ја развие свеста кај сите граѓани за опасностите кои може да настанат од активности и невнимание од близината при патувањето или во самите возови.

Учениците од „Владо Тасевски“ со оглед на струките кои се изучуваат меѓу кои и железничката се запознаени со потребата од безбедноста и заштитата при работа и преку практична настава и ги знаат правилата за однесување околу возилата. Заедно со професорите можат да ги пренесат знаењата ако некој сака да се запознае со работата на шинските возила и опасностите и последиците кои можат да настанат, посочи Глигорова

Како што најави Коруноски, ако има потреба кампањата „НЕ за селфи на воз – Вреди да живееш” ќе се спроведе и во останатите градови.

Поврзани вести

Дамјановски во посета на Кумановското муфтиство... радоначалникот на општина Куманово Зоран Дамјановски и дел од советниците од Советот на општината, денеска, по повод Рамазан Бајрам го посетија муфтиј...
Делчевските планинари се искачија на врвот Маљовиц... Делчевските планинари го освоија врвот Маљовица на Рила со надморска висина од 2729 метри. Како што истакна денеска на прес-конференција Љупчо Чучуков...
Народниот правобранител: Поддршката на жртвите од ... Обврската за борба против тортурата и нехуманиот третман не смеат да бидат само декларативни, туку крајно време е властите да преземат конкретни мерки...
Попладне локална нестабилност, од четврток уште по... Во попладневните часови на повеќе места во Македонија ќе има развој на нестабилна облачност со краткотраен пороен дожд и грмежи. Локално процесите ќе ...
ВИДЕО: Хан пристигна во Владата на Република Макед... Еврокомесарот за проширување Јоханес Хан пристигна во Владата на Република Македонија каде ќе се сретне со премиерот Зоран Заев. На средбата ќе се ...
Штипјанец пронајден починат во својот стан... К.Г. (55) од Штип вчера во 20:15 часот бил пронајден починат во сопствениот стан на улицата „Стојан Гологанов“, а од страна на лекар била констатира...