Во Брисел задутре европска премиера на драмскиот проект „Дениција“

Во Брисел задутре европска премиера на драмскиот проект „Дениција“

Драмската презентација на историската поема „Дениција“ на великанот на македонската книжевност Петре М. Андреевски на 23 април ќе ја има својата европска премиера.

Театарската корео-драма ќе биде изведена во кабаре-театарот „Ос а Моел“ во Брисел, во рамки на фестивалот „Балкан трафик“.

Станува збор за копродукциски проект на Народниот театар од Охрид и Театарот „Ici et la“ од Париз, што премиерно беше изведен на 4 декември минатата година во Скопје, на десетгодишнината од смртта на академик Петре М. Андреевски (1943-2006).

Претставата е веќе најавена на интернет-страницата на бриселскиот фестивал, како „љубовен молотов коктел од Македонија“, и според информациите веќе постои голем интерес кај публиката во европската престолнина.

Во несекојдневниот театарски потфат на режисерот Константин Плевнеш, кој е воедно автор на оригиналната музика, во улогата на Петре М. Андреевски настапува првенецот на Драмскиот театар Рубенс Муратовски, во улогата на Дениција – младата актерка Димитрина Мицкоска, а во улогата на божицата Талија, Саша Ефтимова од МОБ.

Сценографијата е на Валентин Светозарев, костимографијата е на Марија Пупучевска, видео-арт Милчо Узунов, додека уметнички советник е Флориан Габер. Во рамки на претставата користени се и пет слики на Сергеј Андреевски на тема „Дениција“.

Поврзани вести

Презентација на проектот “Европа – недовршено реме... На 4 мај во Македонската опреа и балет ќе настапи словенечкиот културен амбасадор и виолинист со светско реноме, Миха Погачник како дел од проектот “Е...
Околу 170 пензионери на Регионална музичка ревија ... Петнаесетта по ред Регионална ревија на музика, песни и ора за Вардарскиот регион се одржа денеска во Кавадарци, во организација на Здружението на пен...
„Шумата на моето дрво“ – премиера во Велешки... На Малата сцена на Народниот театар „Јордан Хаџи Константинов-Џинот“ во Велес утревечер премиерно ќе биде изведена претставата „Шумата на моето дрво“ ...
Отворена 10. Детска ликовна колонија во Кучково... Во Кучково, општина Ѓорче Петров, денеска беше отворена 10-тата Детска ликовна колонија. Годинава учествуваат 45 ученици од основните училишта од општ...
Промовирана книгата „Совети и раскази од Кекавман“... Книгата „Совети и раскази од Кекавмен“ од проф. д-р Јован Белчовски, издание на „Македоника литера“, денеска беше промовирана во соборниот храм „Св. К...
Во Кавадарци концерт во чест на унгарскиот компози... Во рамките на традиционалната соработка помеѓу Домот на културата „Иван Мазов Климе” од Кавадарци и Дирекцијата за култура и уметност на град Скопје, ...